عنوان الموضوع : الشكلمه بالمكسرات وبالخطوات المصوره طبق اماراتي
مقدم من طرف منتديات الضمير العربي
السلام عليكم
حطيت ثلاث مواضيع قبل بدون خطوات مصوره والسبب الكسل واليوم وبناء على طلب الجماهير ( ههههه مصدقه عمرها )
بتكون فيه خطوات مصوره لكن تكاسلت اشل الكاميرا هههههههههه وصورت بالموبايل والصور باهته شوي
ارجو المعذره
الشكلمه لها عدة طرق مب بس طريقه وحده وانا جربيتها بالمكسرات وتم القضاء عليها في يوم ونص
وطبعا انا مطبقتنها من منتدى ثاني
الشكلمه بالمكسرات
المقادير
3 كوب طحين
كوب سكر ناعم
كوب مكسرات مفرومه ( انا فرميتها نص فرمه )
كوب زيت او كوب سمن ( انا خلطت نص كوب سمن مع نص كوب زيت )
الطريقه
اول شي حطيت المكسرات في الخلاط ( لوز ( بيذام ) بندق و فستق وكازو )
نص فرمه خليتهم شوي كبار
الطحين والسكر الناعم والمكسرات
ضفت كوب السمن والزيت
عقب العجن
نشكل العجينه على طول حسب ذوقج
كبار او صغار او اي شكل تحبينه
اخترت ها القطاعه
دهنت الصينيه بالمتبقي من السمن وحطيت العجين
فرني الكهربائي المتواضع استخدمه للكيك والبسكوت والمعجنات باختلافها
وعقب الفرن ( حوالي نص ساعه على حرارة 200 )
لو طولتو ممكن يصير اللون بني واحلا الفاتح
اول دفعه عندي صار لونها بني شوي
<<<<<<<<<< ههههه ما تبا تقول حرقت الشكلمه
اكلوها ويا قهوه عربيه شغل عدل والله جنها بثيثه
احبكم في الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بجربها تسلم ايدج
__________________________________________________ __________
>>>> الرد الثاني :
المشاركة الأصلية كتبت بواسطة ميثه الحلوة
بجربها تسلم ايدج
بالعافيه
مقدما
والمكسرات ممكن يكونون نوعين بس مب شرط اكثر بس ركزي على اللوز والفستق الذ شي
__________________________________________________ __________
>>>> الرد الثالث :
شكلها حلوو وسهله تسلم ايديج ..بحاول اسويها باجر ان شاء الله
ميروووه
__________________________________________________ __________
>>>> الرد الرابع :
انشالله أجربها
__________________________________________________ __________
>>>> الرد الخامس :
روعه وجار التطبيق
رد مع اقتباس
