عنوان الموضوع : مطلق.. وعنده عيال ...
مقدم من طرف منتديات الضمير العربي
هلا صبايا شحالكم ^^
هاي اول مرة اكتب موضوع في هالقسم ...
بس صدق شفت الحيرة في عيون ربيعتي وقلت اشوف رايكم فالموضوع
موضوعي واضح من عنوانه ...
ربيعتي متقدم لها واحد .. اهله شايفينها ف عرس
متقدم لها مرتين على التوالي
وهي محتارة نوعا ما فالسالفه ...
صلت استخارة ... وكلت امرها لرب العالمين ومن ثم ولي امرها
البنت مب كبيرة ولا صغيرة ...
عمرها 28 سنة .. بنقول بعدها ... بس في عايلتها ... اللي تكمل فوق ال 25 ينظرون لها نظرة عانس وهالشي ماثر في نفسيتها...
والولد تقريبا 30 او 33
المشكلة بالنسبة لها مب فالعمر
المشكلة ان مطلق .. وعنده عيال بس مع امهم ..
مب متقبلة فكرة ان عنده عيال .. تخاف من المستتقبل والحساسيات بين العيال
بس نفس الوقت تقول هالشي لاهو عيب ولا هو حرام .. ومب غلط اذا وافقت
وغير جي يمكن الاهل يعترضون .... والعمر والايام تركض .. وخطاطيبها قلوا ...
حسيتها ضايعة الصراحة
نصحتها بالاستخارة واللي ربي كاتبنه بيصير ..
شو نصايحكم لها ؟؟
وهل اذا كنتوا في موقفها .. شو بيكون رد فعلكم ...
ومشكورين عالنصيحة مقدما ...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اممم الصراحه انا او مكانها بوافق وعادي العيال لو يوا بيتي بعاملهم شرات عيالي وحتى عيالي من يوم هم صغار لعودهم هذيل اخوانهم والعيال مالهم ذنب في طلاق امهم وابوهم
واتوقع لو في شي جان مابترتاح عقب الاستخاره .. خليها تستخير ولو حست براحه توافق وتتزوج وتعيش حياتها تيب عيال تشارك ريلها حياته ويمكن احسن لها مطلق احسن عن العزابيه يمكن هيه ترتاح اكثر وهو بيكون عنده تجربة سابقه .. الله يوفقها ويسعدها
__________________________________________________ __________
>>>> الرد الثاني :
لو كنت ف موقفها بتزوجه لانه الاهل بيتمون يرمسون وجي وعادي عياله بعتبرهم شرات عيالي بس الافضل ان ربيعتج تصلي الاستخارة
__________________________________________________ __________
>>>> الرد الثالث :
اختي ربيعتج يعني مب صغيرة مثل ما قلتي عمرها ٢٨ و العمر يركض
مااشوف ان الريال اذا يخاف ربه و حتى لو عنده عيال راح يكون عارض بالعكس اذا الريال يخاف ربه خليها تتزوج و خاصة ان عمرها مب صغير عليها بالاستخارة و بالنسبة للعيال هم عند أمهم بس لازم تشوف طبيعة العلاقة بين الاب و العيال اكيد مثلا في الويك اند راح يكونون مع أبوهم فلازم تشوف عمرها اذا راح يضايقها هالموضوع و الا لا
و بصراحة تأخذ لها أرمل او مطلق و لا انها تكون زوجة ثانية بس لازم تتأكد من أخلاقيات الريال و تعرف سبب الطلاق عسب تتفادى هي هالشئ
__________________________________________________ __________
>>>> الرد الرابع :
بنظري أشوف أن الوضع عادي .. إذا الريال صاحب دين وأخلاق ليش ترفضه عشان العيال
أهم شي الاستخارة كلامنا لا بيجدم ولا بيأخر
الله يكتب اللي فيه الخير
__________________________________________________ __________
>>>> الرد الخامس :
رد مع اقتباس
