عنوان الموضوع : روح مسجونه خليجي
مقدم من طرف منتديات الضيافة العربية

يسعدلي مساكم اخواني وخواتي رواد منتدى الشعر

حبيت انقل لكم هالأبيات الجميله

وانشا الله تعجبكم وتحوز على رضاكم ..




ابقتل حبك الليلة قبل ما الحب يقتلني
وبشنق هالوفى واهدم صروح الود وحصونه


وأسكر صفحة سودا ملاها الوقت من حزني
خلاص العاشق مفارق وماله داعي تخونه


تصدق كنت أنا احيا بك كلامك كان يعجبني
هواك العاشق وصانك وحطك داخل عيونه


وأثاري كنت تتسلى وكل همك تعذبني
وتلعب بالخفوق اللي غلاك تزود شجونه


كبيره منك توهمني بحبك لي وتخدعني
وكل اللي أشوفه منك "غيمة صيف" مشحونه


حسافه والندم كله آلم ما عاد ينفعني
شسوي بالندم وأنت خدعت القلب وظنونه


بقت كل الصور بيني وبينك حلم يرعبني
وأفضل لو تكون اليوم "ذكرى الحب" مدفونه


بنيت ف عالمي واقع لبعدي عنك يدفعني
بعد ما صارت العشره "حكاية حب" مجنونه


تصور بعد ما كنت الطريق اللي يلملمني
غديت السكة اللي دوم بالأشباح مسكونه


حبيبي ضاقت الدنيا في عيني منك صدقني
وأنا بنهي محبتنا وبحرر "روح مسجونه"




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صح السان قايلها .. والسان ناقلها
تسلمين ياقلبي على النقل المميز
تقبلي فائق احترامي وتقديري

__________________________________________________ __________

>>>> الرد الثاني :
تسلمي أختي جوهرة على النقل الرائع
أبيات جدا جميل

__________________________________________________ __________

>>>> الرد الثالث :
حبيبي ضاقت الدنيا في عيني منك صدقني
وأنا بنهي محبتنا وبحرر "روح مسجونه"




الله مااروع هالنقل الجميل الله لايحرمنا منك ومن ابداعاتك الجميله

__________________________________________________ __________

>>>> الرد الرابع :
يعطيك العافيه يا جوهرة نجد على هذه المشاركه الرائعه وتستحق من المرور وإبداء الرأي فيها وهي حقا رائعه وجميله .


ولكي جزيل الشكر .

__________________________________________________ __________

>>>> الرد الخامس :
تسلمين جوهرة على النقل و صح لسان قايلها

القصيدة في غاية الرووعة

تحياتي لج