عنوان الموضوع : مسائكم سعادة وعبادة/أخر مشترياتي المميزة من أدوات الحلويات للمطلقة
مقدم من طرف منتديات الضمير العربي
السلام عليكم ورحمة الله وبركاته
مسائكم رحمة وعبادة وسعادة .
ماشاء الله الاسبوع مر بسرعة البرق .بما إني باجر إجازةقلت خلني أسهر وأشوف أخواتنا العضوات . ما بطول عليكم . اليوم سويت شوبنج
حق موضوع انشاء الله بتعرفونة جريب . وطبعاً الأمر ما يخلى من أمور مميزة وأدوات حلوه بالذات لوصفات الحلويات . وحبيت أشاركم بعض منها . بإسم الله نبدأ:-
اهني صوره جماعية حق بعض الأغراض الي اشتريتها من محلات تافولا ومن محلات ثانية .
اهني عندنا لوح تبريد الفطاير أو البسكويت أو الكيك . عبارة عن لوحين وفيهم بلاستك أزرق . يتثبت بطريقة بسيطة ويصير عندج لوح تبريد دورين . عملي وحلو وما ياخذ مكان .
الأمر ما يخلو من الألوان لقيت لوني بطيخي فاتح وايد عيبني . وبعد اخضر فاتح جدا يعطي تأثير بسيط وباهت عكس اللون الأخضر الي نحن متعودين عليه.
أختكم شوكلاتة تموت في شي امسه قلوب ولون وردي فما بالك لو اجتمعو ويا بعض . لقيت هذي المجموعة المميزة فيها 3 ديزانيات بس الي في النص وايد حبيته ودخل قلبي من أول نظرة .
واهني صوره من الجنب توضح الألوان . وايد مميزة ورائعة .
واهني مجموعة قطاعات . عيبني فيهم الوردة والفراشة والأرنب . والي عجبني أكثر وأكثر لون القطاعات المميز . اهني العلبة قبل ما أفتحها .
يتبع أحبتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
واهني بعد ما فتحيتها . لاحظوا شكلهم ولونهم .
اهني أوراق للخبز . حبيت لونهم والدزاين الي عليهم . واستخداماتها عديدة للحلويات وللموالح .
واهني مجموعة قطاعات ثانية اسمها قطاعات الزفاف . وايد حبيتهم (انتي كل شي حبيته) لا صدق حبيت شكل الكيكة الي 3 طوابق . وأنا واقفة في المحل سرحتتخيلت عمري قاعدة في مطبخي ويالسة ألون هذا البسكويت بالأيسنج . لين ما يت وحدة (وقالتي ممكن شوي لو سمحتي ). ويوم شافت ويهي قالتي مب انتي
... قلتها هيه نعم أنا خخخخخ
.
وايد هذرتي . نرجع لموضوعنا . لقيت من ضمن قوالب الشوكلاتة . قالب فيه دزاينات للتزين الكب كيك والتارت والشيزكيك . يعني بدل ما تعبين الشوكلاتة في كيس تزين وترسمين , بكل بساطة تعبين القوالب هذي وتعطينج دزاينات مميزة ودقيقة بنسبة كبيرة جدا . اهني شكلها من جدام والشوكلاتة الي مزينة الحلويات هي الي في القالب نفسة.
واهني شكله من وراء لاحظوا مكان تعبئة الشوكلاتة .
وأخيرا وليس أخراً وبالانجليزي . the last but not lestقطاعات البيبي . وعبارة عن مجموعة مكونة من 4 قطاعات مختلفة الأشكال والألوان . اهني العلبة وهي مسكرة
واهني شكل القطاعات بشكل أوضح وأدق . لاحظوا كيف .
تم بحمد الله
عزيزاتي أتمنى الموضوع البسيط والسريع يكون حاز على رضاكم . والليلة جمعة . إذا مريتو على موضوعي وعجبكم إعدولي بالتوفيق وتحقيق المراد .
أحبكم في الله
شيف شوكلاتة
__________________________________________________ __________
>>>> الرد الثاني :
وااااااااااااااو روووووعه
موفقه حبيبتي ان شاء الله انتظر يديدج بشوق كبيير
الله يسعدج يارب و يفرح قلبج و ينولج الي بالج يارب يا عسل يا احلى شوكلاته
__________________________________________________ __________
>>>> الرد الثالث :
رووووعة ما شاء الله عليكي حبيبتي
الله يحفظك من كل شر
__________________________________________________ __________
>>>> الرد الرابع :
ما شاء الله ادوات حلوه للمبدعين مثلج موفقه الغلا^^
__________________________________________________ __________
>>>> الرد الخامس :
الله يحقق مراااااااااادك ان شاء الله
والله من كل قلبي هالدعوة
ما شاء الله عليكي حبيبتي
الله يحفظك من كل شر وسوء ان شاء الله
رد مع اقتباس
