عنوان الموضوع : من بيسافر أوربا في إجازة نص السنة تعليم الامارات
مقدم من طرف منتديات الضمير العربي
مراحب خواتي و السموحة منكم بس بغيت اعرف إذا حد بيسافر منكم لأوربا في نص السنة و شو الاجواء الاوربية برددد و إلا شو ؟!
أنتظر ردودكم يالغاليات .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا اختي .. والله نحن الين الحين بين بين .. بس الاجواء بتكون برد برد لاني انا كنت مسافره العام اسبانيا وكان الجو بررررررررد تقريبا 12 وتوصل انزل .. والله اعلم ..
__________________________________________________ __________
>>>> الرد الثاني :
نحنا انشالله بنسافر في اجازة نص السنه لان ما سافرنا في اجازة الصيف بس مستحيل اسير اروبا لانه مثلجه ولا بنستانس وانا عيالي معايه بناخذ لفه في شرق اسيا ماليزيا وهونغ كونغ وبانكوك بس بعدني ما رتبت الرحله
__________________________________________________ __________
>>>> الرد الثالث :
انا ودي اسافر بلاد يكون فيها ثلج وعسب اشوف الثلج بسير اي بلد
__________________________________________________ __________
>>>> الرد الرابع :
مرحبا عزيزتي
أنا عن نفسي بعدنا ما رسينا على دولة معينة
بس إن شاء الله بسافر
وعلى حسب ظروف شغل بابا ،، لأنه مشغول وايد وإذا كان عليه ضغط شغل ،، إحتمال ما انسافر
وغير هذا عندنا عرس ولد عمي بيكون يوم 15/2 فما أدري إذا خلصنا تجهيزات العرس من قبل ممكن انسافر قبل العرس وانرد
any way
أنا ودي أسير إيطاليا وبلجيكا
بس إن شاء الله خير
وللاسف إجازة رأس السنة الميلادية يايه يوم الجمعة
يعني ما أدري بيعوضونا يوم الأحد ولا لا
لو عوضونا ، بسير لندن يوم الخميس وبرجع الأحد
احتفالات رأس السنة في لندن شي خيال ، وبالمرة بنزور عمي عايش هناك
- - -
وبالنسبة لعزيزتي أم عبود
تبين الثلج في شهر 1 و2 ومكان للـski أرخص عن أوروبا
روحي الصين
جبالها ثلوجها واااااااااو
أنا إن شاء الله بسير بس مب يناير هالسنة (لأنه بابا مشغول وهالسفرة يبالها ترتيب)
إن شاء الله في يناير 2011 إذا الله احيانا
__________________________________________________ __________
>>>> الرد الخامس :
انا في العيد سرت بيروت 10ايام ورجعت والجوو روعه
رد مع اقتباس
