عنوان الموضوع : رحلة الى فرنسا احتياجات خاصة
مقدم من طرف منتديات الضمير العربي

السلام عليكم ورحمة الله وبركاة ..

خواتي حابين انسافر فرنسا وبذات ثلاث مناطق الشانزليزية،وباريس ،وديزني ..
واريد مساعده من الاخوات الي سافروا هذه المناطق وإلي عندهم خبره بالفنادق الافضل و بذات الشانزليزية والاسعار،وشوي تنصحوني أي المناطق نبقى فيها أكثر، وبحكم اني بكون معاي طفلين شوي الاشياء الافضل ليهم ،وهل تنصحوني بلبس العباية أو اللبس ملابس ساتره بس غير العباية للان نفكر نسير بعد العيد والجو بكون بارد
والسموووحه على االلاطالة..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما عندي فكره اختي

رحله سعيده ان شاء الله

__________________________________________________ __________

>>>> الرد الثاني :
ان شالله البنات يفيدونك
بون فواياج

__________________________________________________ __________

>>>> الرد الثالث :
وعليكم السلام ورحمة الله وبركاته ..

أنا سرت فرنسا الصيف الي طاف .. وبحاول قد ما أقدر إني أفيدج ..

الشانزلزيه موجود في باريس يعني لو حجزتي في أي فندق موجود مدينه باريس بتقدرين توصلين

لشانزلزيه بالمترو أو السيارة .. وهو قريب وايد من برج إيفل يعني مسافة 10 دقايق تقريباً بالسيارة

أو يمكن بعد أقل ..

وفي باريس تقدرين تروحين برج إيفل عندج بعد المحلات والكوفي شوبات الموجودة على أطراف الشانزلزيه ..

وتقدرين بعد تروحين قصر فيرساي والي يبعد عن باريس مسافة نص ساعة بالقطار ..

وفي بعد رحلات بحرية في نهر السين .. أنا ما جربتهم بس هالسنة يمكن نجربهم ..

أما عن الأسواق الموجودة في باريس تقدرين تروحين غاليري لافييت فيه تقريباً كل ماركات الشنط

والنعل والعطورات والملابس .. وعندج بعد الآوت لت وهو مركز تجاري بعيد شوي عن باريس

وقريب من ديزني ( مسافة 45 أو ساعة بالقطار من باريس ) ..

أما ديزني تبعد عن مدينة باريس مسافة ساعة إلى ساعة ونص بالقطار وهناك بتلقين وايد فنادق ..

شي فنادق داخل حديقة ديزني وشي فنادق برع حديقة ديزني بس بعد قريبة وايد من الحديقة ..

والفرق بين الفنادق الي داخل والفنادق الي برع إنه في الفنادق الي داخل شخصيات ديزني ينزلون في

مطعم الفندق عالريوق والصغارية يقدرون يتصورون معاهم أما في الفنادق الي برع ما في هالشي ..

وعن سالفة اللبس تقدرين تشترين coats طوال شوي وتلبسن تحتهم high neck وجينز ..

وحاولي تاخذين ملابس غليظة لأن الجو في شهر واحد وايد يكون بارد وتنزل ثلوج ..

وإذا تبين تلبسين عباه بعد عادي لأنهم متعودين عالعرب ..

وها كل الي عندي ..

أتمنى إن أكون فدتج .. =)

__________________________________________________ __________

>>>> الرد الرابع :


__________________________________________________ __________

>>>> الرد الخامس :