عنوان الموضوع : ابي منكم من تدلني على الأماكن السياحيه الطبيعيه بالأمارات للساحة الامارات
مقدم من طرف منتديات الضمير العربي
خاطري ازور الأمارات هالسنه لأني احب ازور دبي دايم مع هلي بس ابي اغير عن دبي ابي ازور مناطق فيها زرع وطبيعه وبحر ,سمعت عن جزر بالأمارات بس ماعرف وين تكون سمعت بعد عن جزيرة بني ياس الي تعرف معلومات عنها لاتقصر
ولو تعرفون اي جزر ثانيه تستحق الزياره خبروني عنها
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي اذا تبغين اماكن طبيعة احلى تزورين الإمارات فالشتاء او بشهر 2 و 3...لكن بقولج فالعين في مكان اسمه المبزرة هي بين جبال ومزروعة صناعي لكن روووعة عن تجربة فيها شاليهات والعاب للأطفال وممشى وماتملين منها أبد...وخور فكان في امارة الفجيرة حلوه للبحر اللي فيها ومطاعم عطول البحر...وبصراحة الإمارات بكبرها حلوه لكن عن الجزر يمكن قصدج بني ياس؟ انا مازرتها اسفة وماعرف عنها شي وان شاءالله افدتج وبيفيدونج خواتي
__________________________________________________ __________
>>>> الرد الثاني :
يا تقصدين جزيرة ياس والا جزيرة صير بني ياس لانه بني ياس هذي منطقه في بوظبي
جزيرة ياس مشروع تم افتتاحه يديد وتبغين الصدق انا ما سرتها لكن شفتها في التلفزيون والحين فيها حلبة سباق السيارات والي قريته عن الجزيره فيها مرافق ترفيهيه ورياضيه وسياحيه وعقاريه
تقدرين تشوفينها من هالرابط
https://www.youtube.com/watch?v=iwtcc0pYyww
وعندج بعد جزيرة صيربني ياس هذي بعد ما سرتها بس معروفه الجزيره
فيها منتجع اسمه منتجع جزر الصحراء في صير بني ياس
شوفي هذا الرابط عنها وان شا ءالله تستفيدين
https://www.desertislands.com/ar/
__________________________________________________ __________
>>>> الرد الثالث :
مشكورين حبيباتي عالمعلومات القيمه
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
