عنوان الموضوع : شخصية ابني وزوجي للساحة الامارات
مقدم من طرف منتديات الضمير العربي
سلام الله يا صحبي..
أبا نصايحكم في مشكلتي الأسرية..
ولدي- رب يبارك فيه ويحفظه ويا عيالكم- طالع ثاني روضة لكن للأسف شخصيته ضعيفة ووايد يستحي وبصعوبة يندمج ويا غيره وياخذ فترة لين يتاقلم ويا اللي حوله مع انه يوم يندمج - طبعا مثل ما قلت عقب صعوبة - يكون حبوب ويا خذ ويعطي ويا اليهال لكن دوم المشكلة في البدايةوأحسه ذكي وعنده قدرات لكن شخصيته الضعيفة والمستحا المشكلة( هو البكر وعنده اخته سنتين)
تخيلوا طول هالسنة أوصله لين الصف واتريا المعلمة لين ما تي ( يعني ما يدخل اذا المعلمة مو موجودة) وعقب هات يالصياح
وأبوه للأسف عصبي وايد واحين أشوف ولدي ما خذ الطبع ها منه
ودايم - أبوه - يلومني : انتي مدلعتنه وكل ما يبا شي يبتيله وما تقوليله : لا ...والولد ما يندمج ويا الناس وما يسلم على الأوادم .. ومن هالكلام
والله ما تتخيلون نفسيتي شجاي مستوية والله مرات يوم يعصب أتم أصيح ( بيني وبين نفسي) ليش جي يسوي بولدي
والبنت يدلعها حتى الكل ملاحظ - مع اني انبهه لكن ما شي فايدة-
حاولت أدخل ولدي صيفي يمكن عل وعسى - لكنه سار أول يوم وبس ) وعقب نفس موال الروضة ما يطيع يسير لين يومكم..في الليل يقول بسير لكن يوم أيي أوعيه الصبح ما يطيع
والله ما أعرف شجاي أتعامل وياه وشجاي أخليه يندمج ويا الناس وتكون له شخصية
والصوب الثاني أبوه اللي ما ادري مستوي جاف في معاملته وياه
اللي عندها أفكار أو أي شي يمكن اتفيدني ما تبخل بالنصيحة( لأني صدق تعبانة نفسياً)
رب يحفظ لكم عيالكم ويبارك فيهم ويصرف عنكم وعنهم كل شر ومكروه...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ممممممم اتعرفين ولدي كلة يقلد ابووه و كل مع ابووه فخذ من طبعة انا اعتقد الغلط من ريلج لازم يكون معة لاناا هوو القدوة و لازم ما يفرق بين عياله لاناا عقب ولدج بيتعقد و بيعاند زوود
اول خطوة رمسي ريلج لازم يقعد مع ولدة و يفهمة و صدقيني بيمشي صح و بيحب الناس و بيحب الروضة
لانا الولد يسمع كلام ابووه و اذاا ابووه بعيد عنة تراا الولد ما بيهمة شي
و حاولي انتي اطلعية الالعاب و الحدائق و خلية يختلط باليهال شوي شوي و بيصير اوك و اجتماعي
و سويلة يعني شرات الهداااياا و خبرية اذا بترووح الروضة برووحك بييبلك جي و بوديك المكان الفلاني بالعكس هذاا مب معناه انج ادلعينة هذاا تشجيع له
و خيرااااااااااااااا لازم لازم لازم اترمسي ريلج و يتقرب من ولدة اكثر
الله يخليه لج و اسمحيلي
__________________________________________________ __________
>>>> الرد الثاني :
حرام والله
كل اليهال جي طبعهم
وخاصة الطفل الاول
بنتي العوده طبعها شرات ولدج
وولد اختي العود بعد
ادخلي قوقل ودوري عن شخصية الطفل الاول
بتلاقينها انعزالية وخجولة وعندهم بطئ في التعلم
لكن الاخ الثاني يتعلم بسرعة لان اخوه العود وياه فيتعلم منه
وعن سالفة المدرسة الله يعيني على حشرة بنتي السنة الياية بدخلها روضة
وجربت قبل شهرين ادخلها حضانة سوتلي سالفة وكرهتني في حياتي
فديتج كلهم جي
بس ريلج لازم يفتح مداركة
حرام عليه يعقد ولدج
والولد محتاج ابوه
وعقب نستغرب يوم نشوف في هالدنيا ناس معقده وعندها امراض نفسية
بس يوم نرد لايام طفولتهم بنلاقي يا الاب او الام كانوا يعاملونهم بطريقة غلط
__________________________________________________ __________
>>>> الرد الثالث :
سبحان اغلب اليهال يوم ايكونون البجر جذا ..
شخصيتهم اضعيفه ..
بنات اختيه نفس الشي البجر خوافه وحساسه واااايد ..
عكس اللي عقبها فديتهن جناكل
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
