عنوان الموضوع : شوفن الي يصير لي لتربية طفلك
مقدم من طرف منتديات الضمير العربي



كل عام وانتوا بخير

عضوات سيدات الامارات اشحالكن واخباركن مشكلتي يمكن سهله وايد للي يقراها بس احس بنفسي من داخل فيه شئ .....قريت وااااايد فالمنتديات قريت واحس في وايد علاقات حلوة بين الازواج عضوات هالمنتدي الطيب .

هل عليه ان أعاني واصبر على زوجي المزاجي والي مب رومانسي عشان يتغير؟؟

ابا حل

راسي يعورني من ال انا فيه

عندي ريل من عرسنا مايحب ايطلعني وياه ابدا كله بروحه يطلع
دووم اقوله حبيبي اشرايك نتعشى ....نطلع السينما .....اي شئ
ايقووولي لا والله سوري انا تعبان مافيه اطلع ؟؟؟
وفجأة الاقيه طالع ويا ربعه ومايرد لين الفير؟؟؟؟ بصدق انقهر

عندي ريل يصلي مااقولكن مايصلي لا يصلي حليله بس يتعايز عن الصلاة اقوله حبيبي يالله يالله الصلاة يارب اشووفك مطوع هو مايقصر ايسير ايصلي بس وهو راقد مااقدر اوعيه

انا احبه هالانسان طيب في حقي ويحبي بس فيه اشياء ابا غيرها

عندي ريل الرومانسية مايعرفها مره ايشيل ويحط وجنه مافي عداله جنس ناعم
اتعرفوووون شو اسوي اموت من داخلي بس ابتسامتي ع وجهي اقوله جنس ناعم عدالك عالاقل عبر وجودي؟؟؟


عندي ريل يوم يجي الراتب مايعرف حد ينشغل بالسيارة وهواياته وانا ويـــــــــــــــــــــــــــــــن

دائم اضيج .......من نصرفاته بس مايحس جنه ماعرس عادي عايش العزوبيه

اقووووووووله متضايق من وجودي متضايق من شئ انت ماتحبه ايقووولي انا مثلج مابحصل اوكي شو الي يصير
بصدق احسبه صغيربس انا مابتخلى عنه ابيه وبسوي اي شئ عشان


بس ابي من ال عندها خبرة في الحياة الزوجية شو اسوي وشو ماسوي
لاني بحاجه لنصايحكن

وانا من هالسنه ابي احفظ القران وابي اتقرب من الله وابي زوجي يتغير ؟؟

فرجاءا من ذوات الخبرة نصحوني كيف اتقرب منه كيف اخليه قريب مني
كيف احببه لي كيف اغير طباعه انا صابره ون شالله خير


اتريا ردودكم

دمتم بخير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينج يارب..
ومادري اذا هالشي اللي بقوله لج بفيدج بس لاتمين بارده حاولي تثبتين وجودج في حياته يعني وازني امورج
مره ابتسمي ومره تصنعي الزعل خلج متغيره
ويارب يفيدنج خواتنا

__________________________________________________ __________

>>>> الرد الثاني :
شكلكم توكم متزوجين عشان اجذيه ريلج بعده عايش ع اساس انه عزابي

عطيه وقت ابروحه بيتغير يوم بيتيبين بيبي

__________________________________________________ __________

>>>> الرد الثالث :
متى متى متى بيتغير

بنات اباكن تخبرني كيف

__________________________________________________ __________

>>>> الرد الرابع :
خبري امه خل ترمسه يمكن يحس بالمسؤولية شوي
اجبريه انج تطلعين وياه وقولي له ان هذا حق طبيعي بالنسبة لج
اعزميه على عشا ولا تتنازلين الا اذا ظهرج
وان شاء الله خير

__________________________________________________ __________

>>>> الرد الخامس :

المشاركة الأصلية كتبت بواسطة (الغاليه)
متى متى متى بيتغير

بنات اباكن تخبرني كيف



اسمحيلي الغزاااال بس انا حسيت انج تكتبين مشكلتي


متى بنات يتغير كل شئ


ياليت الغزاااااااال اتقولين شو اتسوين