عنوان الموضوع : يا ترى بقدر أقنع زوجي!! لتربية الطفل
مقدم من طرف منتديات الضمير العربي
مرحبا خواتي العزيزا،ن أكتب لكم موضوعي وأنا في حيرة من أمري، عل وعسى تساعدوني وتشورون علي، لأني صدق واااااااااااااااااااااااااااااااااايد متظايجة، وما عندي غيركم أشتكيله الحال:
الله يسلمكم انا مالجة من شهر على زوج طيب وحبوب وأخلاقه الحمد لله جدا عالية، مشكلتي معاه يا جماعة الخير إن زوجي واحد مب مكمل تعليمه(( ثانوية عامة))، ويشتغل في قطاع محلي براتب جدا محدود، وزوجي يبني بيت وعنده ديون، خلال هالفترة حاولت أقنع بالزين والطيب إن يدورله على شغل، ويقدم على وظيفة ثانية، حتى لو بعد العرس، بس المهم انه يتحرك، فالبداية تشجع واااااااايد، لكن عقب حماسه بدى يقل، مرة يقوليك تبغيني أنا أشتغل في الشرطة وأكرف! ومرة يقولي تبغيني أنا أشتغل في أبوظبي وأسير بعيد! ومرة يتعلث إنه ماله بارض، وكسلان ومتعايز ..وهلم جرى، ويوم ني على موضوع إنه يكمل دراسته عسب يحصل على مكانة أكبر، شو يقول: لا تفكرين بهالموضوع موول لأني فاشل من الدرجة الأولى!!
خواتي: أنا لو ما أبغيله الزين جان ما شجعته على هالشي، وأنا ما تهمني المادة بالدرجة الأولى، الحمد لله طالعة من بيت عز وربي الشاهد إني روحي أشتغل وأصرف على عمري ولا أقصر ، لكن أنا وااااااااااااااايد أفكر في المستقبل والمادة مهمة له، أي نعم هو ما يقصر علي، لكن الحياة في غلاء كبير، والدنيا لابقة نار في نار، وباجر بيكون ورانا بيت وعيال ومصاريف، حتى هو نفسه ما بيلحق وممكن يتعرض لضوائق مالية ما تحمد عقباها، في نفس الوقت أبغي إنه يكون في مرتبة عالية في مجتمعه ويكون له قدر كبير ومكانة محترمة وشغلة شخصه الطيب يستاهله..
الله يخليكم لا تبخلون علي بردودكم ،،دلوني كيف أقدر أقنعه، حاولت بكل الطرق، بالأدب واللين وحسن التصرف،،لكنه الله يهديه من النوع العنيد والكسلان وما يحب يسعى لأي شيء،،
أختكم: ام هزاع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله ايكون في عونج ..... شكله اتكالي ....
اختي ما راح ايحس الا لما يتزوج ويحس بالمسؤليه والعيال يبون مصاريف....
__________________________________________________ __________
>>>> الرد الثاني :
حاولي وياه لا تيأسين أقترحي علييه انج انتي بتشتغلين وشوفي شو بيرد علييج...يمكن يوم بشوفج معزمه على الشغل بعزم وبدور على شغل غير ... والله يوفقكم ويسعدكم وييسر أموركم
__________________________________________________ __________
>>>> الرد الثالث :
الغاليه ما بيحس احييييييييييييييين بكلامج ؟؟ بيحسن يووووووووووووووووم بيكون عنده عيال وبيت و مسؤووووليه .. وأكيييييييييييييييييييييد بيجتهد و بيكد علييييييييييكم .. خليه ع راااااحته ... الله يسعدكم ..
__________________________________________________ __________
>>>> الرد الرابع :
المشاركة الأصلية كتبت بواسطة ميثه 2000
الله ايكون في عونج ..... شكله اتكالي ....
اختي ما راح ايحس الا لما يتزوج ويحس بالمسؤليه والعيال يبون مصاريف....
__________________________________________________ __________
>>>> الرد الخامس :
الغاليه هوه قالج من الدرجه الاولى يعني عنده احساس بالفشل
انتي ايي دورج هنيه شجعيه وقوليله الثانويه ماتسوي شي هل الايام لازم تكمل دراستك ع الاقل وانت مب فاشل وغيره من هل الكلام وانتي لازم تبيينين له انج بتوقفين وياه من البدايه والله يهديه ان شاء الله ,
رد مع اقتباس
