عنوان الموضوع : محتارة وهب عارفه كيف افهمه
مقدم من طرف منتديات الضمير العربي
السلام عليكم الغاليات
ماراح اطول عليكم وبدخل بالموضوع على طول
فديتكم انا مزوجه صارلي تقريبا 6 سنوات وزوجي ما عليه كلام ماشاء الله عليه مؤدب وخلوق ما مقصر عليه انا وبناتي واي شئ نباها نلاقي والحمد الله
بس في شئ يحب يضايج بي بتصرفاته يعني يحب يسوي اي شئ ينرفزني واهو يعرف اني بسرعه اتنرفز عيزت وانا اقوله ليش تحب تنرفزني يقولي لا والله انا ما انرفزت احب اسولف معاج بس تصرفه هب مال غشمره تنرفز والله
صدقوني ما ابالغ انا اعرفه يوم يسولف ويوم ينرفز فيني
بصراحه تعبت منه واهو هب طايع يفهم
قولولي شو اسوي ؟؟؟
والسموحه لاني طولت عليك
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا حبوبه
يعل السعاده دااايمه بينكم
فديتج احس الحل الوحيد انج تقولين له
يعني يوم يسوي او يقول الشي الي ينرفزج قولي له <<< هذ التصرف مايعجبني ينرفزني لاتسويه
والريال بطبعه عنـــــــــــــيد الله يعينج
__________________________________________________ __________
>>>> الرد الثاني :
الله يديم المحبه اللي بينكم اختي..
الحل بسيط عطيه هاك الكف اللي بيوز عن سوالفه خخخخخخ اخاف الا اتطيرين ضروسه لول
والله اسولف لتصدقين لول
تبين الصراحه يلسي وياه وقووليله ليش اتحب اتنرفزني والله ماحب جي فلو اتحبني بليز لاتنرفزني
لاني اتعب لما اتنرفزني لول وعاد انا يتني عقده من كلمه اتنرفزني والله يعينج سيس..
ويحفظج ياربي
__________________________________________________ __________
>>>> الرد الثالث :
على حسب ااذا النفرزه
يعني اذا ع سوالف وضحك .. عادي مشي وياه
بعدين طنشي هو اكيد لما يشوفج تتنرفزين يزيد .. SO سوي انج مهتمه وخلي عمرج عآآدي ..
والله يوفقج
__________________________________________________ __________
>>>> الرد الرابع :
المشاركة الأصلية كتبت بواسطة OM MUBARK
على حسب ااذا النفرزه
يعني اذا ع سوالف وضحك .. عادي مشي وياه
بعدين طنشي هو اكيد لما يشوفج تتنرفزين يزيد .. SO سوي انج مهتمه وخلي عمرج عآآدي ..
والله يوفقج
اي انا بعد اقول شي اذا شافج مب متنرفزة و عاااادي عندج راح يتقفط هههههههههههه
__________________________________________________ __________
>>>> الرد الخامس :
لا اتبينين له انه هالشيء ينرفزج وايد ،، لأن اتبعتي هالاسلوب معاه وخبرتيه انه ينرفزج بس ما فاد معاه ،،،
عشان جي لازم اتخلين عمرج عاديه وطنشيه يوم ينرفزج لأنه هو الحين عارف نقطة ضعفج ...
ربي يسعدج ويوفقج ...
رد مع اقتباس
