عنوان الموضوع : سري للغاية... عالم الامومة
مقدم من طرف منتديات الضمير العربي

اليوم حبيت ألفت إنتباه خواتي لموضوع آخر..الكثيرااات يعانن منه..و شي من الخوات موب منتبهات للفرق....

ما هو الحب؟؟؟؟ الحب قد يكون إهتمام...عاطفة...مشاركة...سكينة...و النتيجة النهائية هي العلاقة الزوجية...

شي حريم..رياييلهم موب مقصريييييين أبدا من ناحية العلاقة.... و كل يوم تلقين الريال موب ساااءل عن زوجته خير شر..بس وقت الرقاد..يالله...و يوم ينتهي حتى تصبحين عاخير ما يقول لها..و نش بالباجر عادي للدوام حتى بدون مسج حلو..و بدون قبلة بريئة..أو أي شي و بالنسبة له هالشي روتين يريحه هو و خلاص..شي

نوعين من الحريم:

- نوع ما تستوعب الفرق بين الحب و الجنس..و تترجم هالفعل داريكت إنه حب...و مناك المعزة ضايعه...و هو ما تفرق وياه هي ولاّ غيرها..بس عن الحلال و الحرام... (طبعا هالنوعية من الحريم تكون مداركها أقل و طريقة |إستيعابها للأمور أبسط عن مثيلاتها) و تتقبل الأمر بصدر رحب..لكن مع الوقت تستوعب إنها مجرد أداة... و مع الوقت الزوج يصل لإعتبار الزوجة مفيدة لشيء واحد و كأنها بدون روح..و يصل لحالة الفتور منها و فقد أي روابط بينهم فيما عدا الجنس..إلي يموت مع الوقت إذا ما كان مرتبط بأمور أخرة تخص شخصية الزوجة و روحها

- النوع الثاني من الحريم: هي الحرمة إلي تستوعب إنها محتاجة للحب..للإهتمام...و إن هالفعل لابد له أن يكون نتيجة و ليس غاية،و تحس بالفراغ العاطفي، تقول في خاطرها..ليش ما سألني شو سويتي اليوم..ليش ما سأل عن صحتي و انا قيلتله إني كنت مصدعه اليوم؟ ليش ما يقول في خاطره إن يومي كان وايد طويل و أنا تعبانة الحين؟ ليش ما يفكر يكتب لي مسج حلو الصبح؟ ليش و ليش و ليش........و الأسئلة تتوالى..


طبعا النوع الثاني من الحريم متفهمة الحب صح..لكن ردة الفعل تختلف..خلونا نشوف نموذجين من النوع الثاني إلي ذكرته...


أم محمد: بعد ما تستوعب إنها أداة....تقلب الدنيا و تقعدها..و 24 ساعه تتشكى و تتشكى و تحبط عمرها، و تبدا تحس إنها ما تبا تعطيه بدون ما تحصل مقابلها المعنوي إلي تحتاجه، فتبدا تهمل في عمرها مثلا..ما تتعدل، تمتن لها 20 كيلو (و لاحظوا معاي إن ردة الفعل هاذي وايد حريم يسوونها بدون ما يستوعبن أصلا فانتبهي إختي) ...و شوي شوي تبعده أكثر عن قبل..و يصير الزوج حتى هالفعل و هالعلاقة ما يباها ، و يوصلون مرحلة فتور مشاعر و بعد و مرحلة ميته في حياتهم الزوجية ...

أم سلطان: تستوعب الحاصل...و تقول أبا أصارحه بس بطريقة حلوة، مثلا تقول...تدري حبيبي شو بيكون أحلى؟ هو طبعا يبا يعرف هالشي..هي بتقول..خلنا نسولف و نطول شوي شوي و هكذا..لني أحتاج وقت...أو تقول له ما سألتني شو سويت اليوم؟ إذا ما أبدا إهتمامه..تقول..سرت السوق عشان أشتري هاللبس إلي بتشوفه علي الحين......أو تدري أنا شو أحب...يا ليت لو أشوف مسج منك الصبح..بيكون أحلى يوم في حياتي..أو...إذا كان زوج الحرمة ريال مثقف و واعي و عنده أسلوب للحوار..ممكن تجهز له يوم حلو..لكن قبلها تتناقش و ياه و تقول له طلباتها..تقول إني محتاجه إهتمام أكثر...مثلا....و بهالطريقة يمكن تكسبه..و تربط طلباتها بمتعه أكبر...و هكذا..


طبعا هاذي كانت مجرد أفكار بسيطة..و نبا إضافات أكثر للموضوع....

بس المهم...لا تربطين الحب بالجنس مباشرة...لنج بتخسرين وايد اشيا بالمستقبل...لا تخلطين بين الإثنين ...دورة حياة الحرمة قصيرة...حافظي على مكانتج في قلبه حتى و إنتي فوق الأربعين...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وهاك نوع من الحريم اللي لوشو سوابها الريل لاتشكر ولاتحمد من ناحية الحب والجنس
وهناك حريم شراااات البهيمه سوري يعني لكن بدون احساس ولاكانها انثى وتنبع منها رائحة الانوثه يعني اتكون حييطه (يعني الريال يتقرب منها واحلى الكلام والحب وكل شي )لكن هيه عادي عندها مثل اللي اتقول شوالسالفه ..
وموضوعج وايد حلو للنقاش لكن احنا يالحريم دايما نتطلع للاكثر يعني طماعات في كل شي

__________________________________________________ __________

>>>> الرد الثاني :
بس إختي ميثانو..شي رياييل يبالغون و يعتبرون الحرمة مجرد وعاء لحفظ ....... يعني حرام..الحرمة تحتاج لإهتمام في غير وقت العلاقه..عشان الحب يكبر..

__________________________________________________ __________

>>>> الرد الثالث :

المشاركة الأصلية كتبت بواسطة أدري بـ شري
بس إختي ميثانو..شي رياييل يبالغون و يعتبرون الحرمة مجرد وعاء لحفظ ....... يعني حرام..الحرمة تحتاج لإهتمام في غير وقت العلاقه..عشان الحب يكبر..



اكيد ومنوه منا مايبغي الاهتمام اصلا الحرمه كلها خهرمونات انوثه يعني تبغي شي يساعد على تحريك هذي الهرمونات وإلا اصبحت هرمونات ذكوريه من كثر قلة الاهتمام

__________________________________________________ __________

>>>> الرد الرابع :
كلامج صح....يا ميثانو

__________________________________________________ __________

>>>> الرد الخامس :
اغلب الحريم ها اليومين هو النوع الاول والنوع الثاني نادر بس موجود
احس اللي مخرب الحريم بزياده يا انهم مووووووووول ما يستوعبون الريال ويتحملون عيوبه ويحاولون يصلحونها بطريقه غير الصياح والبكاء والانتقاد وبالتالي قالبين حياتهم وحياة رياييلهم مشاكل وعصبيه وهذا ما يباله كلام اكيد ينهي الزواج يا بطلاق اوبحرمه ثانيه او بحياه تعيسه بدون حب .. والضحايا الاطفال بكل الاحوال ..
وفيه عيب اغلب الحريم غافلات عنه بس يتكرر ( سعيها الدااااااائم انها توفر راحتها وطلباتها العاطفيه والنفسيه والزوجيه ووووو واحساس ( الانا ) عندها قوي وغالب على اي شي ثاني ..) يعني تفضل انها تنسال عن يومها وهي ما تتنزل تشوف ريلها شو سوا او كيف كان يومه ولا تعرف اهتماماته ولا رغباته لا شو يحب ولا شو يكره همها الاول نفسها وهو مسكين ضايع بين توفير الحياه الكريمه لها ولعيالها وبين توفير الحب والعاطفه لها ) يعني بكل الاحوال هو مطاااالب بكل شي وهي تطططططططلب كل شي .. << طبعا فئه من المتزوجات وليس الكل