عنوان الموضوع : خاااااطري والله المومة و الطفل
مقدم من طرف منتديات الضمير العربي

السلام عليكم خواااتي

شحالكن حبوبات


بنااات عندي شي أتمناه يصير ,,, اذا عندكن حل ساعدني ؟؟؟؟

أنا مالجة ألحين من فترة فوق السبع شهور وهو ولد خاالي , , والسالفة انه قبل ما نملج قلت حق اخته خبريه اني ماريد أرمسه ع التلفون ... وهيه قالتله

المهم هو بعد ما ملجنا من أول يوم خذ رقمي من عند اخته ورمسني وانا عادي رمسته مر يومين واتشجعت وقلتله اني ما كنت أريد أرمسك ع التلفون شو رايك نقطع لين العرس وهو تم كله يقولي بس لازم نتعرف ع بعض وعشان ما تستحين مني وتتعودين علي ,, وتميت كل ما أطريله هالسالفه يقولي نفس الكلااام أو يغير الموضوع ,,, وعقبها استسلمت وعااادي رمسته ... وهو من ينزل من الدوام خميس ويمعة لازم يرمس عندنا وأحيانا السبت .. وأحيانا نقطع لمدة اسبوع لحد الخميس بس طبعا بعد معاناة من اقناعه وأحيانا يقولي انزين ما بتصل ويتصل /// مع اني اشتاقله اموووت من الشوق اذا ما رمسته يوم كامل حتى هو يخرط علي يقولي ما بتصل مثل ماتبين بس عقب يتصل اونه يبا يخبرني شي ولا يسلم ...

,, الي فخاطري أقطعه بس هو فديته عودني عليه أريد أحس بالشوووق والشعور الي تحسها البنت يوم تشوف ريلها أول مرة ف أول ليله ... والله خاطري/ أغااار يوم أسمع وحدة ما شافت أو رمست ريلها من قبل ..

شو أسوي حبوبات ساعدني عطني حل أو كيف أخليه يشتاقلي أول يوووم لأنه عرسي بعد كمن شهر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عادي حلاته المكالمات في فترة الملكه

قبل العرس بشهر قللي المكالمات لو مكالمة ف اليوم ههههه وتكون شوووي وكل ما تبين تتصلين

قول ف بالج

هو بيشتآق وبيتصل احلى

والزيآرات ممنووعة قبل العرس بشهر

__________________________________________________ __________

>>>> الرد الثاني :

المشاركة الأصلية كتبت بواسطة ،،أم سالم،،
عادي حلاته المكالمات في فترة الملكه

قبل العرس بشهر قللي المكالمات لو مكالمة ف اليوم ههههه وتكون شوووي وكل ما تبين تتصلين

قول ف بالج

هو بيشتآق وبيتصل احلى

والزيآرات ممنووعة قبل العرس بشهر



حبيبتي أم سالم تسلميييين
والله صدقج أنا يبالي بعد ما اتصل خله هو يتصل بس ما أقدر ايدي اتاكلني أتم أطالع التلفون بس من اليوم ورايح باذن الله بحاول وبثقل شوي لو اني متعوده

شكرا ع المروور ام سالم

__________________________________________________ __________

>>>> الرد الثالث :
عيشي حياتج ياختي وتراها فترة مابتتعوض
عيشي فيها الرومنسية بكل انواعها
واذا تبينه يشتاق قطعي قبل العرس بكم يوم
مع اني بملجتي رمسته وماقطعته بالمرة وكل اللي حوالي كانوا يقولون لي لا ترمسينه بس هو ما رضا وانا الصراحة ما كنت ابي اقطعه بهالفترة

__________________________________________________ __________

>>>> الرد الرابع :

نفس الشعـــور .. اريده يشوفني اول مره ع الكــوشه .. ها الشي عندنا بس كسرت القاعده لان ملجتنا طولت سنه وشوي .. بس قلتله قبل العرس بشهر ماشي مكالماات ولا زيارااات .. بس مسجاات .. وحليله وافق ع مضض

وإن شاء الله يتم ع كلامه مايغيره .. انا كل اهليه شافو رياييلهم اول مره ع الكووشه ونفس الشي اخويه مع حرمته .. مع ان ام العروس قالتله تعاال فووق وصور معهاا وخلااف يوم بتدخل ادخل انته .. ماطااع قاال ابا اشوفها ع الكوووشه ..

__________________________________________________ __________

>>>> الرد الخامس :
أختي الفاضلة مبارك عليج الملجة وعقبال الزفاف يارب ..

اختي الكريمة ليش تمنعينه من انه يكلمج ؟؟ هذا زوجج يعني حلالج .. يعني انتو مأجورين على كل شي ان شاء الله .

هدفكم من الزواج انج تعفينه بكل شي ويعفج بكل شي صح والا لا ؟؟

عيل ليش تمنعينه ويمنعج ؟؟

نصيحة خليكم طبيعين لا تخفون مشارعركم عن بعض بالعكس .. تواصلوا مع بعض باللي يرضي الله ..

والله اعلم .