عنوان الموضوع : زوجي هددني بالذبح
مقدم من طرف منتديات الضمير العربي

السلام عليكم ورحمة الله وبركاته .....

هاي ثاني مره اكتب مشكلتي لاني خلاص صدق صدق تعبت وابا حل

زوجي هددني بالذبح من دون خوف والسبب اني حاطه لوك على تلفوني للعلم اني رديت له مغصوبه من بعد مشاكل

وانا كنت مقرره افتح معاه صفحه يديده لكن تهديده جرحني وايد وكسر كل حلو فيني فكرت اشتكي عليه وارد بيت ابوي بس اعرف

ان اهلي بيجبروني ارد له مره ثانيه بشو تنصحوني ؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بلغـي حد ف هالكلام، وقدمي شكوى لا تسكتين

لاقدر الله نفذ تهديده !! يعرفون منو

سيري الخدمة الإجتماعية او إستشارة اسرية أو اسألي ف المحكمة

لا تسكتين

و حاولي تسوين الشي اللي يرضيه ،، شلي اللوك عن الفون وامشي على كلامه لين يهدى شوي

__________________________________________________ __________

>>>> الرد الثاني :
عامليه بالحسنى وما تعاندينه واحتسبي عند رب العالمين وضلي ادعيله الله يهديه
هذا كلام ساعة الغضب ..
احس المرأة تقدر تاخذ كل اللي تباه بالدلع والمعاملة الحلوة .. حتى لو هو مايستاهل ان شاءالله بيتغير بس يشوفك هيك

ربنا يوفقكم ويهدي بالكم

__________________________________________________ __________

>>>> الرد الثالث :
والله اذا يعاملج معاملة خايسة وبعد يهديدج روحي اشتكي علية دامه اهلج بيردولج له اهم شي انتي

__________________________________________________ __________

>>>> الرد الرابع :
ختيه دامج عرستي تحملي يمكن قالها ف فتره غضب عادي فديتج عاد لا تكونين جذي مره حساسه طوفي يعني الي يقول هات لج سكينه وذبحج ماشاء الله عليج حيه ترزقين لا تحطين شئ ف بالج ولا تخربين بيتج حرام شلي اللوك الي ف الفون وخلاص حاولي تكسبيه

وربي يهديكم لبعض

__________________________________________________ __________

>>>> الرد الخامس :
الغالية هذة الكلمة ممكن تكون بساعة غضب ----

بس الآهم ما طرحتية بالمشكلة السابقة فيها الكثير من المشاكل هل وصلتي لحل فيها ؟؟؟؟؟؟؟