عنوان الموضوع : تشيــز كيك ولا احلى بطريقه ولااا اسههل ولذيييذه وكل مكوناتها فالدكان للمطلقة
مقدم من طرف منتديات الضمير العربي

-


السلام عليكم ورحمة الله


حبيت احطلكم طريقه مجربه من قبلي ولذيييذه وخفييفه وما تحتاج وايـــد مقادير ..
يالله نبدااا




المقادير :"


10 قطع جبن كيري او فيلاديفيا الحجم العائلي كامل وتقدرون اتزيدون على راحتكم >> كله فالدكـان ما يقصر

1- 2 قشطه على حسب الصينيه

حليب مكثف الي هو في قوطي اتحطون قد ما تبون وانا انصح ملعقه وحده من الكبيره

وانصح انصح انصح بملعة جيلاتين تخلطونها مع حليبب علشان التشيز يكون ثابت ومتماسك وما يذوب

عن نفسي ما استخدمته بس قامت اتذوب الكريمه وما تتماسك بس حلووه



مقادير البسكوت :

اما مكونات البسكوت التحتيه عندكم امكانيه تستخدمون : بسكوت الشاي وها موجود فالدكان بعد اقولكم ما يقصر

بسكوت دايجستف وبسكوت ثاني ناسيه اسمه

المهم تطحنونه يا بالمكينه الي هي مالت طحن القهوه او بإيدكم بس ما تخلون كتل كبيره وكتل صغيره

+ زبــده 200 جرام او 100 جرام الموجود المهم لين ما اتشوفين البسكون متماسك ومب متفتفت وانتببهي تقللين الزبده لانه بتندمين يوم اتجوفين التشيز كيك من تاكلينه ما تقدرين تمسكين البسكوت يتفتت






الطريقه :


اولا سوي البسكوت خلي حد يساعدج يطحنه تستعملون كيسة من بسكوت الشاي او كرتون صغير من بسكوت الدايجستف المهم شوفو على حجم الصينيه

بعد ما تخلصون منه وتتاكدون اتحطونه فالصينيه وتضغطون فيه عدل واتحطينه فالثلاجه او الفريزر لين ما ييبس شوي



اما الطبقه الي فوق اتحطين كل المكونات الي فوق وتتطعمين اذا بتزيدين شي واتحطينها في خلاطة الكيك تخلط تخلط تخلط ليين ما تتماسك
انصح بالخلاطه ما انصح بالإيد



عقب ما اتخلصون من الطبقه الي فوق اتطلعون البسكوت واتصبون عليه الكريمه واتدخلونه فالثلااجه مب تتهايزون واتقولون مب متفيجين نتريا واتحطونه فالفريزر ياويلكم بيتثلج البسكوت وما بتقدرون تاكلونه



اتخلونها لين اليوم الثاني واتوقع اغلبكن يسهرن خلنها من عقب الفطور لين السحور واتوقع اتخلص او اقل

وبعد تقدرون اتحطون فوقها جيلي طبعا بعد ما تتماسك الطبقه الي فوق




واتمنى عيبتكم الطريققه

اختكم ريمااس الحيـــــاة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يسلموو ع الوصفه

__________________________________________________ __________

>>>> الرد الثاني :
الله يسلمج من الشر

__________________________________________________ __________

>>>> الرد الثالث :
مشكوره

__________________________________________________ __________

>>>> الرد الرابع :
عجيب عجيب ... كل شيء موجود بالدكان و الطريقة سهلة ...
عاد نحن بنات آخر زمن موتنا و حياتنا الوصفات السهلة كسلانات ... خخخخخخخخخ
مرة ثانية سويها و حطي الصور للتعذيب ...
عاد أنتي تكويني مسويتها مب الخدامة خخخخ...

مشكووووره عالوصفه ...

__________________________________________________ __________

>>>> الرد الخامس :
ربي لا تجعل عيني صغيرة لا ترى إلا الدنيا ، و لا تجعل قلبي ضيقاً لا يفكر إلا بها ، اجعلني أوسع نظراً ، و أرقى فكراً ، أرى الجنة و أعمل لها ♥