عنوان الموضوع : قدر الضغط منو جربته تدخل للمطلقات
مقدم من طرف منتديات الضمير العربي
السلام عليكم ورحمة الله وبركاته
حبيباتي منو منكن جربت قدر الضغط
1-ابا اعرف شو استفادت
2-شو الاكل فيه (لآني سمعت انه اطيب)
3-اذا ممكن تحطين صورته (لأني رحت السوق ودرت وماعرفت استخدم اي واحد)
4-شو الماركة او مكان الصنع
ضروري ياطباخات لأنه في خاطري
بس ماادري وين احسن مكان احصلة فيه --وسمعت من ناس ان في نوع في جدرين من داخل هل هذا صحيح
انا من بو ظبي --
بارك الله في اللي بتساعدني واعانها على القوة يارب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الاغلبية الي يستخدمون جدر الضغط يستخدموه للهريس لانه احسن بس عمري ما جربت اطبخ فيه غير الهريس بس في ناس يسون فيه اللحم
ان شاء الله الي يستخدمونه بكثره يفيدونج اكثر بالتوفيق
__________________________________________________ __________
>>>> الرد الثاني :
هو عباره عن جدر يسرّع من نضج اللحم أو الهريس
أنا شخصياً أستخدمه في طبخ اللحم
وبعض الشوربات اللي تتطلـّب طبخ وايد ع الغاز
وكذلك شوربة الهريش
مممممممممم يميميييي يوعتيني وانا في الدوام
__________________________________________________ __________
>>>> الرد الثالث :
اأختي انصح فيه هو كثير مهم بالمطبخ لانه أكله له طعم غير وأفضل الماركات هي الفرنسية تيفال وايد ممتاز وانا اطبخ فيه المظبي ويجي يجنن ويختصر وقت الطبخ عشان مايضيع وقت كثير خاصة برمضان تستغلينه في قراءة القران ، حبيبتي الله يوفقك واعملي بحت بقوقل تطلعلك صورهم ومعلومات الاستخدام موفقة عزيزتي
__________________________________________________ __________
>>>> الرد الرابع :
والله معلومات مفيدة
اتمنى من اللي شاركن يضيفن طريقة طبخهن فيه لان الطريقة والصور بتنفع ناس وايد مطلعين على هذا المنتدى العريق بأهله
طريقة المضبي والشوربات او شوربة الهريس بتفيدونا وبتكسبن اجر ربي يوفقكن
الماركة تيفال اكيد معروفة والي جربت غيرها وحابة تحط اسم لا تتردد نبا نستفيد ربي يبارك فيكم
الاخوات الكريمات :اسيرت شوق --همايل-- ام ماريا1 وجودكن وردودكن في غاية الروعة [بأنتظار الوصفات مع الصور ربي يآجركن الجنه]
__________________________________________________ __________
>>>> الرد الخامس :
اكثر شي ينطبخ فيه الهريس ، اللحم ، البليله
بسرعه ينطبخون يختصر نصف الوقت
رد مع اقتباس
