عنوان الموضوع : لذيذ جدا وهو تقريبا نوع من أنواع السلطات وطريقته سهلة جدا حلويات الاماراتي
مقدم من طرف منتديات الضمير العربي

مرحبا كيف حالكم وشو أخباركم اليوم بكتب وصفة من عندي وما ادري اذا حد جربها بس أنا جربتها في الكلية وطبقتها في البيت وطلعة نفسها بالضبط ... اسمحولي طولت عليكم ...


المقادير :

ــ طحينه سائلة .
ــ روب زبادي .
ــ ومايونيز .
ــ بقدونس مفروم .
وخبز محمر في الزيت مال الفتوش اذا تعرفونه .


طريقة العمل :
أولا : نيب طاسة ونضع فيه كمية من الروب والقليل من المايونيز والطحينية ونبدأ نخلطهم بيطلع طعمه مثل طحينه الشورما مال المطاعم .
المهم بعدين نيب الخبز المحمص طبعا الخبز قطع مثل خبز الفتوش بالضبط مربعات .
نضع الخبز في الطاسة وبعدين نسكب الخليط على الخبز ولكن مب نزيدة بس يعني يكون الخليط على بعض الخبز والبعض ماعليه شي يعني كأنج تسكبين الخليط للزينه بس هو الأساس يعني لا تقللين ولاتزيدين ، بعدين نفرم البقدونس ونرشه على الخبز مع الطحينه .
وبيطلع شكله عجييب و جاهز للتقديم .
وطبعا لا تنسون تدعولي واللي بتسويه تقول لي رايها ترى هذا يعتبر من المقبلات .

طبعا هذا الموضوع من عندي يعني مو منقول والسموحة .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يا ليت لو حطيتي لنا صور جان شفتي الردود مكككككثرها
تسلم الأيادي حبوبة ^__^

__________________________________________________ __________

>>>> الرد الثاني :
بالتوووووووووووووووووفيق

__________________________________________________ __________

>>>> الرد الثالث :
انشاء الله اذا سويته مرة ثانية بحطه لكم وفالكم طيب

__________________________________________________ __________

>>>> الرد الرابع :
تسلمى

__________________________________________________ __________

>>>> الرد الخامس :
تسلمييييييييييييييييين حبيبتي بجربها