عنوان الموضوع : .. رفة العين .. المطبخ الاماراتي
مقدم من طرف منتديات الضمير العربي

السلام عليكم و رحمة الله و بركاته
اشحالكم بنات؟ عساكم بخير ^^
فديتكم.. انا من أكثر من أسبوع فيني رفة عين مب طايعة تخوز
و الله بهدلتني و احس مب رايمة اركز..!!

و سويت كمادات شاي حارة و سويت كمادات باردة..!
سرت عند الدكتورة و عطتني قطور و مرهم للعين
بس مب يالسه تروح عني
طفرتبي و الله و العظيم

اعرف إنه من السترس و جيه
بس يعني يوم احط المرهم يخف و احيانا يخوز
اليوم ناشة الصبح.. الرفة اكثر..!
بنات إذا عندكم حل خبروني بلييييز لاني صدق مب متحملة عمري من كثر ما عيني مطفرتني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختيه اللي انا اعرفه .. استوى لي نفس الشي ..

بس الدكتور قالي هالشي من الارهاااق والتعب .. وخاصه للعين

ولله اعلم

__________________________________________________ __________

>>>> الرد الثاني :
ما تشوفين شر أختي

والسموحـة بس ما عندي حل غير انج تخففين على عمرج الإجهاد والكمبيوتر بعد ..

__________________________________________________ __________

>>>> الرد الثالث :
احتمآآآآآآآل كبير من التعب والتوتر
ريحي عمرررج من الضغوطآآآآت

وربي يعآآفيج

__________________________________________________ __________

>>>> الرد الرابع :
اممممم عدنا الحريم الكبار يقولن يوم العين اليمنى ترف ها بشارة خير ..
واذا اليسرى هاي مب زين وتدعين ان الله يجعل الامور خير ..

خخخخخخ مادري بصراحه ماصدق هالسوالف !!
حبوبه يستوي مرات جي من الارهاق .. وغالباً الارهاق من التفكير ..

__________________________________________________ __________

>>>> الرد الخامس :
عيني اليسار اللي ترف.. لوول ما اصدق هالسوالف
احسه حسد -.-.. ماعرف.. مع إني ارقي عمري..
و بعدها فيني مع إني خففت الكمبيوتر و هالسوالف
بس اللهم ايلس عليه ف الدوام