عنوان الموضوع : ربط الرحم للحامل ؟اللي جربت الربط تدخل بليز !!!! للصحة
مقدم من طرف منتديات الضمير العربي


هلا امهات وحوامل المنتدى !
انشالله بخير ؟
انا حامل بالشهر الرابع وكان عندي موعد اليوم بمستشفى الكورنيش ونصحتني الدكتورة ب عملية الربط لان المشيمة شوي نازلة عندي وقالتلي انها احسن بالنسبة لحالتي؟
وفيها بنج كامل يعني عملية !
بس انا خايفة ومب عارفة شو اسوي؟
ياريت اللي جربت هالعملية او تعرف عنها شي بليز تخبرني ؟
ولازم باي شهر ؟
ولازم لها راحة بعد الربط ولا امارس حياتي طبيعي ؟
يعني اللي عندها اي معلومة بليز لاتبخل علي !!!
بانتظار ردودكم...........................

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله بشفيج ان شاءالله ...الغالية انا انصحج اتروحين عند كذا دكتوره ..لاني انا سقط اول مره وقالتلي الدكتوره اني محتاجه ربط ..ويوم رحت حق دكتوره ثانية (استشاريه يعني عندها خبره اكثر عن الدكتوره )) بصراحه وااايد طمنتني وقالتلي كل شئ سليم وانشاءالله ما تحتاجين لربط ..والاسبوع الياي عندي مراجعه ^_^ الله يثبت حملنا على خير انشاءالله ^_^

__________________________________________________ __________

>>>> الرد الثاني :
تسلمين الغالية الله يريح قلبج ويثبتلج حملج انشالله

__________________________________________________ __________

>>>> الرد الثالث :
ربي يثبت حملكن يارب


وربي يسهل عليكن.....

__________________________________________________ __________

>>>> الرد الرابع :
انا ربيعتي كانت مسويه ربط لانها اتسقط وعلى ما اظن انهم يعطونج موعد قبل الولاده عشان تفتحينها

__________________________________________________ __________

>>>> الرد الخامس :
لا تخافين حبيبتي انا كل حمل يسوولي ربط عادي ما أحس بشي يكون تخدير كامل ويفكونه في اول الشهر التاسع