السلام عليكم خواتي
طبعا انا كل ما يستوي فيني شي ايي واخبركم
طبعا بعد احداث الافرازات البنيه وسرت بعدها بيومين
المستشفى وكان فاتح عندي 2 سانتي ولله الحمد وانا فالاسبوع الثاني
من الشهر التاسع...ومع العوار اللي اييني فالبطن والظهر
الله يسلمكم آخر مستجداتي ولله الحمد
امس الصبح بعد ما شرب زعتر رجعت
وياني عوار من الساعه 2 الظهر لين 4 ونص العصر
يسير ويرد كان كل 10 دقايق
وعقب رقدت من الساعه 4ونص لين 6
واول ما نشيت سرت يلست ف ماي دافئ اكثر
عن نص ساعه وكنت ايلس مثل يلسه الحمام العربي
وعقب رديت لليلسه العاديه..وعقبها سبحت ف ماي دافئ
وصليت وبدا العوار يرد شوي شوي...وبعد ما صليت العشا
وقرات قرآن والادعيه والمعوذات..كنت بسير اتمشى مع بو الشباب
بس ما قدرت انسدحت شوي وعقبها بربع ساعه زاااد العوار
وكان فضيع فضيع جدا وكان اييني كل 6 او 7 دقايق قل عن الظهر
وما قدرت اتحمل اتصلت فالدكتورة وقلتلها انه الظهر كان اييني عوار
كل 10 دقايق وعقب البليل قل كان كل 6 او 7 دقايق ومب قادرة اتحمل
وقالت لي تعالي عشان اكشف عليج بس واذا مافي شي بنردج البيت
ولما كنت بسير عمتي يلست تقول لا تسيرين ولا تروحين ماله داعي
ويلست تحتشر..وانا كنت صدق تعبانه حسيت انهم مب حاسين فيني
وانا سايره يلست اقرا على عمري واشرب ماي زمزم وقرات سورة مريم
وايات تسهيل الولاده والادعيه
ولما وصلت سوو لي تخطيط وكشفت علي من تحت وكان فاتح 3 سانتي
ولله الحمد....الحمدلله...الحمدلله
وعقبها قالت لي الدكتورة بتروحين البيت قلتلها هي وفالرده خذيت
عصير برتقال فريش..
ورديت البيت رقدت
دخيلكم قولولي شو اسوي؟؟
ابي ينفتح عندي الرحم بسرعه عشان اربي
يارب يسر ولا تعسر
العوار كله يزيد علي وانا اخاف وقت الولادة ما بيخلوني قوم عموتي اسير
لانه امس يالله يالله سرت عشان بو الشباب كان موجود وعقب لو هو فالدوام؟؟
كيف بحس انه صدق ولادة؟؟
بتقولون اييني منتظم ترى امس استوى جي
بس ماكان ولاده؟؟
او بينزل دم او ماي ؟؟يمكن انا ما ينزل علي
يكون غير عنكم؟؟
ادعولي وانصحوني شو اسوي؟؟
الله يسهل على كل حامل
ويرزق كل محرومه
باذن الله
ويزاكن الله خير
رد مع اقتباس
