عنوان الموضوع : ولاده مــــــــا قدرت أنســـــــــاه سنة 2017 ...>>> مغبره صح .. لصحتك
مقدم من طرف منتديات الضمير العربي



أحم ما عرف أكتب مقدمات .. ..

الموووووهيم ...

أنا حملت على بنتيه وهيه صغيره ... وما كنت حابه الحمل في هالفتره .. من غير ضغوط الدراسه ..

عادت الامور على خير .. لين وصلت الأسبوع 13 تقريباً كنت في الشهر الثالث .. كان عنديه سونار

في المستشفى على أساس أنيه اشوف بنت ولا ولد .. وهيه قاعده تلف ودور وانا اشوف ويها ..

شفت علامات غريبه مثل { حيسة البوز يمين يسار تحك راسها ... والخ} وفي الاخير رسينا على أنه

البيبي

مش طبيعي ...

السالفه طويله في هالمستشفي الصراحه .... { بختصر }

غيرت المستشفى ورحت مستشفى غيره ألاوهوه توام .. وفتحت ملف عندهم .. وبدن المواعيد

والتصويرات .. وكانو هم يتصلون تيلفون ويسألون عنيه عشان انيه كنت حاله نادره..

المهم قالوليه ان البيبي حواليه اكياس ماي صغيره وعند راسه نفس الشي واني ما بكمل السادس

وبيموت .. وما فيه علاج نهائياً .. قالوليه نبا ناخذ من سائل الجنين بواسطة أبره يدخلونها في بطنيه

بتخدير موضعي .. طبعاً قلت لا والله هالحركات مش عليه يا مستشفى توام .. { طبعا هل العين يعرفون

عن هالمستشفى } .. وبعدين قطعت المواعيد وكانو يتصلون وأنا اطنشهم .. ورحت مستشفى الامارات

عند الدكتوره غزوه فديتها والله طيوووووبه ,, وقالتليه نفس الكلام .. وقالت ان فيه وحده نفس حالتيه

سافرت بلادها وماتريت يطيح وطيحته .. بس أنا كان عنديه أمل أنه يعيش ..

الحمد الله عدت الشهور على خير وكانت الحركه طبيعيه وكل شي أوكيه فديته .. ..

و من دشيت الشهر السادس تمت تنزل عليه إفرازات فيها دم وسبحان الله كنت مش مهتمه أبداً

لين ألحين أفكر ليش ما رحت أي عياده على الاقل اعرف سبب هالدم والله ما كان علي باليه أنه بيطيح

لين يا اليوم المشؤوم .. نشيت على ويع في الظهر والبطن .. .. واتصل على ريليه خليته ايي ..

وبعد كم ساعه من الويع .. حسيت بشي أنجلب من تحت .. يا ريليه قاليه تبين تروحين الدختر الحين

قلتله لااااا قال خلاص انا عنديه شغلة نص ساعه وبيي قلتله اوكي .. والبيت محد كان فيه ..

ورحت وتسبحت بماي داااافي .. وطلعت وحسيت الويع زاد بشكل مب طبيعي .. قعدت ع الكرسي

أف شو شعور حسيت به خوف وحده موت .. وأتصل بالوالده والحبيبه كانت تصبح عالهوش ..

وأقولها اميه تعالي بسرعه ما أقدر هاذا اللي قدرت عليه .. واتصل عند عمتيه وأقولها لحقي عليه

تعالي بسرعه .. { ماعرفن شو فيه حليلهن } .. وأمسك المصحف وأقرا الزلزله واحس شي بيطلع

واقراها مره ثانيه الثالثه كانت الاخيره .. وحسيت بالماي انجب وثواني بسيطه طاح فديته ..

{ كيف شعور الام يوم يقولن لها ولدج مات } هاذا شعوريه .. فديته شفت راس صغير .. صبوع صغار

و ركب صغيرونااااااات وايد .. ما قدرت أدقق وايد فيه تميت اصيح للأسف طاااح ومات .. والحمد الله

على كل حال .. رحت المستشفى على اساس غسيل قالولي ما يحتاي .. وحمدته أكثر

شله ريليه المقبره .. والله خطفوه قداميه ملفوف بقطعة بيضا صغيروني شالنه المطوع بأيد وحده ..

فديييييييييييييييييييته والله ما أقدر انساه لين يومكن هاذا .. الحمد الله على كل حال ..

وبعد ست شهور بالظبط حملت بكتكوت صغيروني .. وطلع وااااااو من حلاته ..

بنات احس الكلام مش مرتب .. إذا تبنيه اعيد السالفه مش مشكله بس اخاف أخذ عشر صفحات

التعبير عنديه موشكله ....
‎

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سبحان الله

الحمدلله على سلامتج خيتو

ربي يحفظ لج ولدج يارب

__________________________________________________ __________

>>>> الرد الثاني :
فديتج حبيتي حمدالله الله عوضج فيه

__________________________________________________ __________

>>>> الرد الثالث :
الحمد لله على كل حال

__________________________________________________ __________

>>>> الرد الرابع :
لا اله الا الله
ربي يعوضج حبيبتي

__________________________________________________ __________

>>>> الرد الخامس :
الله يرحمه ويعوضج عوض خير بس دخيييييييييييييييييييل امج مرة ثانية لاتحطين مثل هي الصور