عنوان الموضوع : آآه شفت جنيني وقلبي قطعني
مقدم من طرف منتديات الضمير العربي
السلام عليكم ورحمة الله وبركاته ..
انا اول مره اكتب ف هالقسم مع ان اكثر قسم أدخله
اول شي الحمدلله والشكر على نعمه وجزيل فضله
بنات قلبي يعورني والله اني اكتب لكم من تلفوني
ومااشوف الحروف من دموعي
انا صار لي متزوجه سنه وشهر
ومثل كل اللي تعرس من 4 شهر زواج بدييت احن لليهال
بدا قلبي يتفطر لشوفت ظناي
عالجت ارتفاع هرمون الحليب
عالجت التكيسات
سويت خبانه
شربت اعشاب
وقبل كل هذا ادعييت من كل قلبي ان ربي يرزقني بالذريه الصالحه
والحمدلله بفضله ربي جل جلاله
حملت هي يابنات والله حملت
وعرفت اني حامل فيوم زواجي
بعد سنه كامله ربي اهداني هديه
ف هاليوووم
اااااه كم كانت فرحتي وفرحتي ريلي وكل من حولي
تميت اداري على عمري فكل شي
والله حتى الماي الحار مااتسبح به
وربي اتسبح بماي بااارد عشان مايصيب الجنين اي شي
بعد 7 اسابيع من الحمل سرت للدكتوره
بسمع نبض حبيبي بسمع قلبه كيف يدق
قالت لي فلانه ماشي مبين
قلت فخاطري اوووه بدينا بخريط المستشفيات
اللي مايخلص
قالت سوي فحص دم بنشوف هرمون الحمل
سويته وانا متوكله على ربي
ورديت البيت بعد ساعتين اتصلت لي تقول
هرمون الحمل ناااازل وحملج ضعيف
سألتها كم قالت لي 127
بدا قلبي ينقبض
وصحت لين دارت بي الدنيا
واكرر اللهم لا اعتراض على حكمك
كنت اصلي وادعى واصيييح
اقول ياربي والله اني راضيه باللي تكتبه
بس هذي دموع الام كنت بشوف ظناي ياربي
ربي لا اعتراض على حكمك
مرت الايام وبعد 4 ايام عدت الفحص وزاد ل 154
واقول ل امي وتهد عليه
تقولي لاتصدقين الدكاتره ولاتراجعين
وكل ما اطري لها فديتها المستشفى تهد عليه
وبعد كم يوم قمت ولقيت نازل لي دم وانتوا بكرامه بس شويييه
وماشفته لين قبل لا اكتب هالموضوع
ااااه ياربي
جافاني النوم
وكنت حاسه
قمت ولبست الاحتياط وانسدحت
وظهري من اصبحت يعورني
وفجأه احس بشي نزل شي ينحس
ربعت الحمام وانتوا بكرامه لا واشووفه
والله شفته يابنات
والله لبس القفاز وشليته
وربي ان يوم يقولون انه يتقسم شفته كيف متقسم
ودموعي مب طايعه توقف
عقيته من ايدي وانا كنت احسب له متى بحظنه
ااااااه
الحمدلله يارب الحمدلله
اللهم لا اعتراض على حكمك
اتغسلت وطلعت اشوف ريلي راقد
وانا ماباه يحس بشي ف هالوقت
وربي اصيح وانا كاتمه الااااه لاتطلع وتوعيه
ماحسيت الا وانا اكتب الموضوع
يمكن ارتاح ..
اللهم لك الحمد والشكر كما ينبغي لجلال وجهك العظيم
ربي لا تذرني فردا وانت خير الوارثين
ربي عوضني بالحمل السليم ولاتحرمني من الذريه يااا ارحم الرحمين
الهي ارزقني وارزق كل محرومه بالذريه الصالحه .. اللهم آمين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتي عورتي قلبي
ربيه يعوضج خير يااااارب ويرزقج غيره .. فأقرب وقت .. اللهم آمين
__________________________________________________ __________
>>>> الرد الثاني :
__________________________________________________ __________
>>>> الرد الثالث :
ادعيييييييلج من كل قلبي ان شاء الله الله يعوضج خيييييييييييييييير ويرزقج الذرية الصالحة عاجلا غير اجلا
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
