عنوان الموضوع : قصتي مع بنوتي اللي الله ما كتبلها عمر تغذية صحية
مقدم من طرف منتديات الضمير العربي

السلام عليكم .. شحالكم ؟؟ عسى الكل مرتاح ؟

ع فكرة الياهل كان ميت ف بطني بس حبيت اخبركم الاكشن الي صار معاي لما ياني الطلق هع

ف البداية كان موعد ولادتي تاريخ 12-9 -2017 م بس الله ما كتب لي الحمدالله ع كل حال
ف نهاية الشهر الخامس كنت احس بصداع فضيع براسي وكنت ساكتة ومستحملة وتميت تقريبا 3 ايام وصداع فيني وآخر شي قلت لريلي قم وصلني المستشفى الصداع ذبحني وانا قبلها كنت مشيكة ع الياهل ولحمدالله كل شي زين يوم رحت المستشفى قلت للدكتورة عن الصداع وسوتلي سونار وقالت انه الياهل ميت ف بطنج والسبب انه الماي زايد عندج واختنق الياهل قلتلها لا حول ولا قوة الا بالله وقالت لي لازم يطيح باسرع وقت لانه يسببلج خطر وقلتلها شو الحل قالت لي لازم نعطيج طلق صناعي عسب ايطيح بسرعه طبعا انا رفضت لاني ما استحمل وبعدين كنت مسويه عملية الزايده قبل لا احمل اخاف تسببلي شي وقعت ع خروج بمسؤوليتي وطلعت وخبرت ريلي طبعا انصدم صدمة كبيرة بس ما نقول غير الحمدالله ع كل حال ورحت البيت ارتحت شوي والمغرب قمنا انا وريلي سرنا بيت اهله وخبرناهم وانصدموا مثل ما انصدمنا المهيم قامت عمتي ام ريلي فديتها وما قصرت سوتلتي دلة حبه حمرا ودله زعتر هالمغرب شربت اللين امتزر بطني هع وعقب صلاة العشا وقامت عطتني كوب جرفه (غرفه) وشربته ها كله يوم لخميس ويوم السبت ياني الطلق الصبح ايني الويع خفيف ويخوز وقلت ما بسير اللين يزيد كنت ف الجامعه كان علي امتحان وعقب ما امتحنت دقيت لريلي يا يشلني ما قلتله انه فيني ويع وصلت البيت ساعه 1 ونص الظهر دقتلي ربيعتي اترمسني وتميت اكلمها سين وجيم بس لانه فيني الويع موب مستحملة اكلم حد كلمتها شوي وبندت وطحت ع الشبرية وانه الويع يزيد وريلي ف الحمام عزكم الله يتسبح وعاد من يدش يطول داخل وانا بموت دقيت لعمتي وخبرتها ويوم يت فديتها قامت ولفت ملابسي واغراضي اللين طلع ريلي يوم طلع استغرب مجهزين الاغراض ولابسين العبي شو السالفه وع طول ع السيارة شغلها ويا تلبس ونحن سرنا نتظره ف السيارة وسرنا المستشفى وقالوا بعدها عن الولاده وردينا البيت المغرب قامت عمتي تمشيني ع الشعبية الين قلت لها خلاص بموت من الويع قالت اتصلي لريلج خليه ايي بالسيارة عندنا واتصلته وثواني عندنا وسرنا المستشفى ساعه 9 واصلين وقالوا ولادة وربيت وطلعت فطومة اللي الله ما كتبلها عمر انها اتعيش وعاد المشتشفى كله درا اني انا بربي من الصريخ اللي شليتبه المسشتفى ههههههههه قال ريلي عنبووووج فضحتينا الساير والراد سمع حسج هع جنج مصرية وقال المصرية ما اتسوي اللي انتي سويتيه هههههههههه
وتوته توته وخلصت الحتوتة

دعواتكم لي
السموححه منكم طولت عليكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يرزقج الذرية الصالحة و يكتبلج الي فيه الخييييييييييييييير يااااااااااااا رب

__________________________________________________ __________

>>>> الرد الثاني :
لا حول ولا قوة إلا بالله

الله يعوضج عوض خير عنها

والحمدلله ع السلامة

__________________________________________________ __________

>>>> الرد الثالث :
الله يعوض انشاءالله بتوأم

__________________________________________________ __________

>>>> الرد الرابع :
الله يعوضج اختي,,

وربي يرزقج بالذرية الصااالحة,,

__________________________________________________ __________

>>>> الرد الخامس :
ربي يعوضج ان شالله