عنوان الموضوع : سؤاااااال بالنسبه للرضاااااااعه والحمللللللللل تغذية صحية
مقدم من طرف منتديات الضمير العربي
السلام عليكم
انا والده من شهرين وارضع ولدي صناعي لانه تعود على المرضعه وماقبل من صدري
ويتني الدوره من كمن يوم اللي ابى افهمه يقولون الرصاعه الطبيعيه يعتبر مانع حمل
يعني هل المرضعه ماتييها الدوره الا بعد سنتين ؟؟ والا شو القصد؟ والاتيها الدوره عادي؟
وليش يتني الدوره بسرعه ؟؟؟ هل لاني مارضع طبيعي
وشكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا كنت ارضع عيالي طبيعي وماكانت الدورة تييني الا بين شهرين وثلاثة مرة وحدة
وحتى يوم تيي الدورة تتيني على شكل قطرات بسييييطة وليومين بس وتروح
بالنسبه اذا كانت تمنع الحمل ولا لا انا من رايي ان لازم ترضعين ولدج عدل باستمرار
حتى لو ماتبين تطلعين صدرج وتعطينه كل ماحسيتي ان صدرج مليان حليب صبيه بالمرضعة وعطيه
يعني حاولي تطلعين الحليب من صدرج بالستمرار وراح تحسين بانقباضات الرحم
او
لازم تاخذين احتياطج ياما ناس يرضعون طبيعي واول ماطلعوا من الاربعين حملوا
السمووووووووووووووووووووووحة
__________________________________________________ __________
>>>> الرد الثاني :
الرضاعه مب دايم تكون مانع للحمل انا ارضع بنتي طبيعي والدوره ياتني بعد شهر من الاربعين وحملت وبنتي عمرها 5 شهور ><
ف لازم تنتبهين لانه كل حرمه وطبيعه جسمها غير في حريم سبحان الله ما يحملون الا كل سنتين
ومثل ما قالت الاخت دلوعه ريلها لا تقطعين حليبج عن ولدج حطيله ف المرضعه
__________________________________________________ __________
>>>> الرد الثالث :
__________________________________________________ __________
>>>> الرد الرابع :
أنا كنت أرضع طبيعي و ولدي ما مسك المرضعه أبد ولكن بعد ? شهور حملت عليه يعني الرضاعه ما تعتبر مااانع ونفس الشئ أختي يلست سنه وزود وماحملت وكانت ترضع طبيعي يعني كل وحده تختلف عن الثانيه
__________________________________________________ __________
>>>> الرد الخامس :
انا كنت مربي ببنتي وأرضعها طبيعي وكملت خمس شهور مايتني الدورة بعد الخمس شهور يتني الدورة مدة ثلاث ايام قطرات ووقفت,, وهذي كانت علامة من علامات الحمل ولاعرفت أني حامل لين كملت بنتي ثمان أشهور وعقب عرفت أني حامل عليها فديتها ووقفت الرضاعه, يعني مب شرط الرضاعة تمنع الحمل, ومثل ماقالو البنات يختلف من وحده لوحده سبحان الله ومب شرط بعد تكونين مثل أمج.. فالوحده تاخذ الاحتياطات اللازمة قبل لايطيح الفاس بالرأس
kouka 
