عنوان الموضوع : بموووووت يا بنات وايد تعبانة ماعرف شو فيني ؟؟ لحياة صحية
مقدم من طرف منتديات الضمير العربي

السلام عليكم خواتي .. أنا قليل ما أشتكي و أتكلم عن تعبي .. بس هالمرة انا وايد تعبانة مب قادرة أوقف على ريولي ماعرف شو فيني ؟؟

اول شي الدورة عندي متلخبطة من زمااان من يوم ما بلغت يعني شي مب يديد عليي و انا متزوجة و عندي طفلين الحمدلله اعمارهم 4 سنوات توأم الله يسلمهم .. و من يوم ما يبتهم ما حملت من غير موانع بس جيه من الله ما حملت .. لكن الحين استوالي اسبوعين وايد تعبانة أقوم الصبح أشعر بدوخة و دوّار مب طبيعي .. يعني من اقوم الصبح أحس ان الغرفة تفتر فيني و مب قادرة أتوازن وي عمري .. و أشعر بالغثيان و اللوعة و زغللة في العين و آلام في اسفل الظهر و البطن .. و الدورة بعدها ما ياتني و ماعرف متى بتيني لانها مثل ما قلتلكم مب منتظمة .. بس انا وايد تعبانة و وايد خايفة على عمري لان احس حالتي مب طبيعية .. قبل يومين سويت تيست الحمل و ما طلعلي شي غير خط غامج و خط ثاني خفييييييييييييف مووول ما يبين الا اذا دققت فيه عدل .. و الحين و انا اكتبلكم احس عمري دايخة و حتى سواقة مب رايمة أسوق .. انا خايفة احتمال يكون فيني غدة ولة لخبطة في الهرمونات ولة نقص فيتامينات ولة ماعرف شو ؟؟

ماعرف شو أسوي أتريى بعد كمن يوم و أعيد فحص الحمل مرة ثانية يمكن يكون حمل .. ولة اتريى الدورة ولة اسير الدكتورة .. و الله تعبانة حتى الدكتورة ماروم أسيرلها .. ساعدوني خواتي في وحدة تتعرض لنفس اللي فيني ولة لاء ؟

مشكورات حبايبي بارك الله فيكن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

__________________________________________________ __________

>>>> الرد الثاني :
سوي فحص دم واقطعي الشك باليقين
وان شاء الله حااااامل

دعواتج لي بالذرية الصالحة

__________________________________________________ __________

>>>> الرد الثالث :

المشاركة الأصلية كتبت بواسطة Umm 7mdany
سوي فحص دم واقطعي الشك باليقين
وان شاء الله حااااامل

دعواتج لي بالذرية الصالحة



ربي يرزقج الذرية الصالحة عن قريب ياااا رب حبيبتي

__________________________________________________ __________

>>>> الرد الرابع :
أختي لازم تسيرين العياده تشيكين على عمرج

وسلامتج ما تشوفين شر

__________________________________________________ __________

>>>> الرد الخامس :

المشاركة الأصلية كتبت بواسطة شوق الوله
أختي لازم تسيرين العياده تشيكين على عمرج

وسلامتج ما تشوفين شر



مشكورة الغالية .. و الله شكلي بسير باجر العيادة وااايد تعبانة .. بس ماعرف اي طبيبة اسير نسائية ولة باطنية ؟؟؟؟؟؟؟؟