عنوان الموضوع : مـحـتــــاااااااره بين الدكتورة اللي اتعالج عندها وبين أم صقر؟؟؟؟!!!!!! لصحتك
مقدم من طرف منتديات الضمير العربي

هلا خواتي ...

خواتي انا خلاص يئسسسست صار لي 11 شهر وأنا اتعالج اول العلاج تعالجت من التكيس وكان بسيط بعدين اتعالجت لتنظيم الدورة والحمدالله الدورة منتظمه واخذت كلوميد لمدة شهر والشهر الثاني ابر تفجيريه وماصار حمل .....
والحين الدكتورة جالت مابتعطيني اي شي لانه كل شي عندي والحمدالله زين مافي شي يعوق الحمل
بس كنت الاشهر اللي طافت اتابعلي التبويض وكل ماتيني الدورة واروح لها تنصدم الدكتورة تجول انا كنت متوقع انج بس ييتي تبشريني بحملج .....انا بعد ماتعالجت من التكيس وتنظمت عندي الدورة مره رحت لأم صقر اللي تمسح وقالت لي انه شي مقلوب عندي وانا ماقتنعت من كلامها لانه الدكتورة اتجول لي % كل شي زين وعطتني شراب اشربه لمدة ثلاثة أيام وخفت من علاجها لانه بصراحه واااايد يعور اهي بس مره رحت لها وخلاص مايتها اهي كان تبيني ايها لمدة ثلاثة ايام من ثاني يوم للدورة

الدكتورة اللي اتعالج عندها تجول مريضه يت عندها وكان فيها تكيس مائي وعقب عطتها دواء تشربه ولما يت مره ثانيه وشيكت الدكتورة على التكيس شافته متحول لكيس دمي فالدكتورة تقول انه المريضه ماشربت الدواء و راحت لوحده تمسح لها ومن كثر الضغط على المبايض تحول الكيس المائي الى كيس دمي وهاي علاجه يطول وخطير وانه هالمسح يمكن يقلب الرحم والمبايض فوق تحت ولا لسمح الله يمكن الامعاء والمصران تتأثر وتتقلب من هاي المسح - انا جلت للدكتورة علاج المسح من ايام امهاتنا وجداتنا وواااايد حريم حملو من المسح - وماخبرتها اني رحت امسح ..



والله احترت اكمل ويا الدكتورة ولا اروح لأم صقر امي وخواتي يشجعوني اروح عند ام صقر


بـشـــــو تــشــاورن عــلـــي خــواتــــي اريــــد نصايحـكـــن وتـجـاربــكــن...





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مرحبا

بصراحه انا ما جربت المسح بس اسمع ان في حريم عندهم الرحم يكون مقلوب ويفيد المسح والتكعيب فيهم

والمساح اذا ما فادج ما بيضرج ان شاء الله

وخبري الحرمه اللي تمسح باللي قالته الدكتورة

__________________________________________________ __________

>>>> الرد الثاني :
كملي عند الدكتوووره ,,

بس بعد في حرييم واايد يتعاالجون عند حريم ...سالي عن هااي الحرمه وشوفيهاا يمكن صدق لهاا خبره بهالسواالف وهي حرمه عووده ,,

وبالاخير استخيري يالغااليه ربج عاارف شو الي فيه الخير لج ,,

الله يرزقج ان شاء الله ,,

__________________________________________________ __________

>>>> الرد الثالث :
الدكتوره اضمن واحسن بس اذا هذه الحرمه ثقه روحي لها مافيها شي
وبعدين 11 مب متاخره انا 11 شهر لين حملت شو فيها الله يصبرج ويرزقج بالذريه الصالحه
بس عليج في الاستغفار وقيام الليل الصراحه رهيب مفعوله وجاب نتيجه معايا خصوصا السجود الله يسهلج

__________________________________________________ __________

>>>> الرد الرابع :
هلا حبوبه والله انا محتاره شراتج
انا ماسمعت شي بس مشكلتي كل
روحت عند دكتورتين وحده وواحد
والله كلامهم هم الاثنين متناقض
ماعرف اصدق منو وفكرت اروح
لام صقر كم مره اتصلت بها وكله
مغلق عندنا وحده بالدوام راحت عندها
وماشاءالله من ثاني شهر حملت هالبنت
كملت سنتين وماحملت والدكاتره قالولها
انه عندها انابيب امسكره ويوم راحت عند
ام صقر اتمسحت وحملت هالشي وايد شجعني
اني اروح اذا تعرفين رقمها عطيني ياه
والله يرزقنا في القريب العاجل

__________________________________________________ __________

>>>> الرد الخامس :
الله يرزقج بالذرية الصالحة
بس غريب كلام الدكتوره لانه الكل يمدح المساح
حبتبتي عندج رقم ام صقر
لانه من فتره نتصل وتلفونها مغلق