عنوان الموضوع : لبس مشد البطن بعد الولادة ؟ اراء متضاربة تغذية صحية
مقدم من طرف منتديات الضمير العربي

قرأت كثير وكله اراء مختلفة ..

ناس تقول لازم تلبسيه او تربط بطنك عشان يرجع مثل اول.

وناس تقول ما يصير لأن عضلات البطن بتتعود انه شي يشدها وما بتشد بروحها يعني بس تشيلي المشد تبقى رخوة والعضلات كسولة .

وانا محتارة ! مدري شو الصح وشو الخطأ

طبعا هذا غير مشد الظهر اللي تلبسيه اول اسبوع بس عشان تلمي عظامك بعد الولادة وتعرفي تتحركي .


شو رايكم انتو

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يسهل عليج حبيبتي شوفي غناتي انا بصراحه عندي 3 ربي يحفظهم بس ولا ومره ربيت وجربت المشد لن صح العضلات تترهل عقب اربط بطني بشماغ يكون لازم البطن والظهر والله لابتطلع لج كرش ولا غيره ربي يسهل عليج....

__________________________________________________ __________

>>>> الرد الثاني :
انا من ثاني يوم ولاده البس الحزام المشد يعني يكون موجود بشنطة المستشفى لان البطن اذا ماهتمبتي فيه من بعد الولاده على طول الكرش مابتروح انا وخواتي دوم نسوي جي والحمدالله عندنا عيال بس لافينا كرش ولا شي

__________________________________________________ __________

>>>> الرد الثالث :
انا عكس الأخت عروسه
عن نفسي بعد ولادتي الأولى , لبست مشد وما ظهر عندي بطن كبير
لكن بالنسبة لولادتي الثانيه اهملت موضوع المشد وللأسف البطن ترهل وكبير مع ان الوزن رد مثل قبل الولادة,تخيلي وزني 61 وطولي 160 لكن عندي بطن وترهل

انصحك اختي تلبيسي مشد نوعية كويسه لأنه يفرق,على الأقل يوم تطلعين او يزوركم أحد لان المشد يرتب شكل الجسم واااااااااااااااااايد

__________________________________________________ __________

>>>> الرد الرابع :
هاذي اراء وتجاربكم انا عن نفسي مالبس مشد ولا غيره بس اربط بطني بشماغ الربط الصحيح والحمدلله مافيني لا كرش ولا شي....

__________________________________________________ __________

>>>> الرد الخامس :
مشكورين اللي ردوا

بانتظار باقي الاراء