عنوان الموضوع : مشكلتي وايد ملعوزتني بليز دخلن وشورن علي.................. للصحة
مقدم من طرف منتديات الضمير العربي

السلام عليكم ورحمة الله وبركاته خواتي لو سمحتن أبا حل لمشكلتي بدخل في الموضوع سيده أنا بولادتيه بولديه وايد تعسرت عندي الولاده لدرجة أن قلب الطفل وقف مرتين وانا تشنج جسمي ويديني وحتى ويهي انحاس على طرف ووقف قلبي مره وحده بس الحمدلله يت سليمه عاش الولد الحمدلله بس مع بعض المشاكل لأنهم شفطوه بكهربه .وبعد الولاده رحت لدكنوره نسائيه فكشفت علي وقالت أن عندي التهاب في عنق الرحم بسبب الولاده العسره ولا عطتني علاج ورحت عنها فأنا حطيت في بالي بأني ما باحمل خلال هاذي الفتره بس الله راد وحملت المشكله الحين في الحمل وايد تعبانه فرحت للدكتوره وقالت بأن النفس وايد نازل(الرحم) ولازم جراحه فقلت لها كيف جراحه وانا حامل وبعدين يوم بولد الجراحه ما بيمدي لها تبرا وانا ما عارفه شسوي الله يخليكن شو الحل واذا في وحده صار لها جذيه شو سوت؟ امي تقول لورحتي المسيحه قبل ما تحملين احسن وان اشدراني اني بحمل مع اني ماخذه طريقة العزل بس الله قادر على كل شي وجزاكن الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما عندي خلفيه بالموضوع
انصحج اتسرين عند اكثر من دكتوره
والتهابات عنق الرحم تتعالج بتحاملين بس جراحه اول مره اعرف ؟!!!!

__________________________________________________ __________

>>>> الرد الثاني :
ما عندي خلفيه بالموضوع
اتمنى البنات يفيدونج

واستشيري دكتوره احسن

__________________________________________________ __________

>>>> الرد الثالث :
الله يكون في عونج يارب المهم ادعي ربج والله يسهل عليج ويطمن قلبج بس اهم شي الحين اتعالجي من الالتهابات وان شاء الله يوم تولدين بالسلامه 10 يوم سيري عند حرمه تمسح لج وهي بتخبرج الايام الي لازم تيينها والله يوفقج

__________________________________________________ __________

>>>> الرد الرابع :
حبوبه لاتحاتين انشالله خير بس سيري لدكتوره اوكي وتعرف شي منهن مايعرفن وانا سالت ربيعتي قالت لي هب لازم جراحه

__________________________________________________ __________

>>>> الرد الخامس :
مشكورات الغاليات كلامكن صح الأفضل أني اروح لأكثر من دكتوره بس أخاف كلامهن نفس الشي بس بجرب ان شاء الله خير وجزاكن الله ألف خير يا خواتي