تجهزتو للبيبي ؟ومن وين تجهزتو للبيبي ؟! لصحتك

[hamida]

عنوان الموضوع : تجهزتو للبيبي ؟ومن وين تجهزتو للبيبي ؟! لصحتك
مقدم من طرف منتديات الضمير العربي

السلام عليكم ورحمة الله وبركاته
شحالكم خواتي؟!

اممم بسألكم تجهزتو للبيبي تشريتو السرير ؟! ومن وين خذتوه
بصراحه انا سرت مذركير وشفت أسرتهم وحبيتها )السرير يتحول لسرير عادي لسن المشي يعني ينزل ماعرف كيف افهمكم
بس قلت بتريا تنزيلاتهم وبسير اخذه

وامم بديت اخذ اشياء بسيطه بلانكتات ملونه وقماطات وشنط وفوانيل داخليه بيضا وبجايم من سنتر بوينت

امم بس بصراحه ماعرف من وين اخذ المراضع ومعقمة المراضع وشفاطة الحليب والمصاصات )اخذهم من الصيدليه ولا من سنتر بوينت ولا من مذركير



يالله كل وحده تخبرنا بتجهيزاتها^^

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا بعدني ماتشريت ولا اعرف شوو اخذ

يلا بنات عطونا من خبراتكم

__________________________________________________ __________

>>>> الرد الثاني :

شريت كل شي تقريبا باقلي ملابس بس

__________________________________________________ __________

>>>> الرد الثالث :

أنا بعدني ماتشريت لأني ممنوعة من الحركة لين افتح الربط

دعووواااااتكن

__________________________________________________ __________

>>>> الرد الرابع :

الملابس زيدي عليهم اوفرولات بتحتاجينهم اول 3 شهور .. والمراضع
والمعقم تاخذينهن من مذركير ..

__________________________________________________ __________

>>>> الرد الخامس :

انت الحمدلله خلصت كل شي السرير خذته من بيبي شوب وكان تنزيلات والكبت و مال التبديل و المنز الصغيروني بعد من بيبي شوب بس انا ما انصحكم تاخذون الملابس الداخليه من بيبي شوب لانها تخترب فالغسيل ما حبيتهم انصح في ماركس سبنسر احلى وانظف و الملابس نوعت من ماركس سبنسر و مذركير و زارا و البطانية خذيها ناعمة عشان البيبي انا خذتها من السفير ماركة مورا حلوة و الشنطة خذتها من قوتجي و الاغراض مثل الشفاط خذيه من بيبي شوب لانه نفسه فالصيدليه واللي في مذركير بس الاسعار تختلف انا عن النوعية نفس الشي وخذي الكهربائي مش اليدوي عشان ما تتعبين والمراضع و اغراض الحمام مثل الشامبو والصابون و اللوشن و المرطبات من الصيدليه انا افضل تاخذون ماركة موستيلا لانها طبية بس الشامبو والصابون ما خذتهم من موستيلا لانه مافي ريحة خذته من ماركة بيقون بعد طبي و ميزان الحرار مال الأذن ماركة براون من الصيدليه نفس اللي في مستشفى النور و المراضع من بيبي شوب زجاج ماركة بيقون بعد والتعقيم من عندهم و لا تنسين صابون عشان تغسلين الثياب و اللينور خذتهم من اللؤلؤ نفسه فالصيدليه بس الصيدليه أغلى شوي ماكة بيقون حق الأطفال اما اللينور ماكة بريطانيا نسيت شو الاسم بس لونه وردي و مرسوم عليه بيبي ريحته تجننن ولا تنسين الكميرا مع الفيديو عشان تشوفين البيبي اذا أنتي قاعدة مكان بعيد و هو نايم خذته من بيبي شوب و تعقيم المراضع بعد من بيبي شوب و ان شاء الله بنزل لكم الصور قريب وانا عن نفسي جهزت حجرة البيبي يوم كنت فالشهر السادس وارتحت و من عرفت جنس البيبي تقريبا فالشهر الخامس بديت اتشرى شوي شوي لين ما خلصت لاني كنت عارفة اني بتعب في شهوري الاخيرة و صدق تعبانة الحين لامي فالتاسع واتريه الطلق والله يسهل علي وعليكم يارب