عنوان الموضوع : وصفه لشعر ليما الركبة لصحة بشرتك
مقدم من طرف منتديات الضمير العربي

شلونكم بنات المنتدى الحلوين...
جبتلكم يا بنات طريقه تخلي شعركم يطول في زمن قياسي لا ويصير كثيف وناعم ويتخبلون عليه كل اللي يشوفونه... ولا فيه بصل ولا ثوم ولا زيت يلوع الجبد 2

هذي وحدة من الربع كانت قاصة شعرها من سنتين كاااريه...يعني اعلى كتفها...وما عجبها الوضع وبغت تطوله واحنا ربعها طبعا تطنزنا عليها وهي قالت بتشوفون ما بتمر علي سنه الا وهو لنص ظهري ولا سنتين الا وهو ليما ركبتي.. طبعا تطنزنا عليها زيادة...وصارت ظروف وما التقينا فترة السنتين وشفتها الحين والا توريني شعرها وتخبلت قلت ما شاء الله لا اله الا الله شسويتي فيه؟؟؟ قالت علشان تتعلمون شلون تطنزون علي... طبعا بعد طول محاولات قدرت اخذ منها طريقتها وبديت استخدمها وحسيت بالفرق... وانا وايد مستانسه ومن الوناسه ييت اركض صوبكم اقولكم


السر يا عرايس يا حلوين هو عشبة الياس... مشهورة من زمان وكان امهاتنا الاوليات يستخدمونه وموجودة عند كل العطارين وتيي مطحونه وشكلها مثل السدر المطحون مع فرق في الريحه بس... بالليل وقبل ما تنامين خذي مقدار منها واخلطيه مع شوية ماي وادهنيبه شعرك وروحي نامي...والصبح اغسلي شعرك عادي وكرري الموضوع يوميا... ومو شرط تغسلينه كل يوم بشامبو... لا والاحلى انه من غير ريحه تقرفج وانتي نايمه...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا استعملتها وايد زينه اطول الشعر وخليتها بس برجعلها ان شاء الله

يسلموووووو

__________________________________________________ __________

>>>> الرد الثاني :
فديت روحج الغالية مشكوره وماقصرتي والأحلى أن مافيها عبالة ولاسوالف

وأنا راضية لوشعري يوصل لنص ظهري..................

__________________________________________________ __________

>>>> الرد الثالث :
المنصوريه مشكوره على المرور
المخمليه روحج ماتروح الغاليه وان شاء الله يوصل شعرج لتحت ركبتج

__________________________________________________ __________

>>>> الرد الرابع :
مشكورة حبيبتي بس ابي اعرف يغلظ الشعر ولا لان والله صلعتي شوي شوي بتبين من شعري اللي يطيح

__________________________________________________ __________

>>>> الرد الخامس :
اختى ساحره العيون ان شاء الله انه يغلظ الشعر
واستعملى الخروع هو مفيد مع دابر املا (لبعلبه ال خضره اللى عليه صوره الحرمه) انا استعملته لبنتى بعد ماطاح شعرها والحمد الله فى فرق كبير