عنوان الموضوع : شو تلبس أم المعرس ؟؟؟؟؟؟؟؟؟؟؟ جديد
مقدم من طرف منتديات الضمير العربي

ما عندي فكره بس ماماتي في عرس اخويه لبست فستان راقي واااايد حلو سنبل لانها ما اتحب الاشياء الثجيله و لبست عباه خبال من دانتيل فصلتها عند امل الحمادي وايد كانت روعه شفافه عشان يبين الفستان
انشالله البنات يفيدونج

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أحس ع حسب عمرها ..

يعني لو كانت نصوفيه (35 و فوق ) : أحس تلبس فستان ناعم
و لو كانت حرمه عودة : تلبس مغربية راقية يعني مثلا جذه

بس تدرين لو راحت عند مصممة راح تختار لها الانسب .. العمر و الجسم واايد يلعبون دور ..

موفقة فديتج

__________________________________________________ __________

>>>> الرد الثاني :
أكيـــــد طبعا على حسب عمرها و جسمها و على طبيعة لبسها و ستايلها في حياااتها العادية
لو كانت هب عودة وايد أو في الأربيعنيات و شبابية تلبس فستان عادي جييه كلاس و طبعا اللون يلعب دور أكيد

و اللي يختلف إنه أم المعرس أو العروووس هب حلوة تعق العباااة حتى لو كااانت صغيرة حتى


خلهااا تلبس فستااان كلاااس و هب شرط الفستاان يكوون مخصر مثل ما هي قالت ما تبا

__________________________________________________ __________

>>>> الرد الثالث :
تعرفو يا بنات لو أمج تلبس مخورة مغربي راقية أو عادية بس الفصوص أصلية ومن النوع الراقي بيكون أحلى..

صدقوني الناس الحين صارو يتمصخروا ع أم العيال يعني بيقولو حرمة عندها عيال بسها ليش لابسة فستان وجيه..

هذا من تجربة يا أختي..

أمي بعد بعد بالثلاثينات وما بتلبس فستان ..

الجمال يكمن ف الحشمة والوقار ولو جدام الحريم ..



ربي يحفظلج الوالدة ..

__________________________________________________ __________

>>>> الرد الرابع :
عمري ما سمعت حد يتمصخر على أم العيااال الصغيرة اللي تلبس فستااان !!
شي غريييب والله ,, يعني مستااانسة بتتعدل و بتتلبس لعرس حد من عياااالها هذا شي هب عيب عادي
مخورة ّّ!! و تكوووون هي أصلا صغيييرة ومن النووع اللي يتلبس و يكشخ ما أتخيل ! أصلا بيقولون هي دووومها
تتلبس و تكشخ و في عرس ولدها ولا بنتها ما لبست
صدقيييني على حسب العمر و الشكل و الجسم و على حسب بيئة العايلتييين كله يعتمد

يعني أنا أميه فديت قلبها أنا و هي شكلنا واحد و ستايلنا واحد و جنا نفس العمر شي طبييعي بتلبس فستان بس بتم بالعباه
عشان تتميز بإنها أم العروووس
و أم ريلي نفسسس الشي صغييييرة و كشييييخة ماشي فرق بينها و بين الولد جنهااا اخته ههههه
بعد أكييييد بتلبس فستااان بس شي أكيييد بتم بالعباااه لأنهااا أم المعرس


و السمووووووحة

__________________________________________________ __________

>>>> الرد الخامس :
يعتمد على السن والجسم والستايل اللي هي متعوده عليه مثل ما قالوا البنات