عنوان الموضوع : قد مرة زوجك مدح بيت حرمة غيرج او ذمها ... حياكن
مقدم من طرف منتديات الضمير العربي

السلام عليكم
..


..
..


.


من زمان شفت موضوع عجبني بمنتدى ثاني كل وحدة تدخل تقول شو عجب زوجها او ما عجبه ببيت ناس زارهم او كان معزوم عندهم..


وصراحة وايد استدفت من كلام بعض الحريم الي تقول ريلها يحب ترتيب السفرة والا الحمام والا الاضاءة


وغيرها...

وانا ببدأ


ريلي يحب اول ما يدخل تستقبله ريحه البخور ويحب كثرة الحلى بالسفرة...




بنتظار تفاعلكن ):




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مشكووورة أختي عالموضوع ... بصراحة حلو ...
عن ريلي ... طبعا يحب البيت يكون مبخر و انا أبخر له كبت ملابسه و الحمام بعد ... فيستاانس واااايد
كل الرياييل يحبون النظافة و الترتيب في البيت ...

اللي بعدي .. شو يحب ريلج؟

__________________________________________________ __________

>>>> الرد الثاني :
ريلي الله يحفظه لي يحب الحلوياااااااااات وايد....يحب ريحة البيت حلوة والدخون يتخبل عليه....وطبعا يحب البيت نظيف ومرتب.....وكل ريال يحب مرته تستقبلة وهو ياي من برا وما يحب مرته لاهيه عنه بشي ثاني....
والحمام طبعا يكون حلو ونظيف والشموع مصففات فيه....يحبحد يبخر له ملابسةويصفف ثيابة بطريقة حلوة بالكبت...

__________________________________________________ __________

>>>> الرد الثالث :
فديت ريلي
كل شئ اسويه انا يحبه
امثلة بسيطة
يحب ريحة الدخون لما يدش البيت والجو بارد عاد..واهم شئ ان المطبخ برى بالقسم الخارجي والا الريحة دمار
يحب لما يشوفني مرتبة ملابسه واغسلهم بروحي وأكويهم بروحي مع ان عندي خدامة..
أهم شئ يحبه فيني : دوم يقولي انه يعتز فيني مش مقصرة بعيالي بغيابه بأكلهم بنظافة ملابسهم ..ريحتهم ..ووااايد ينقد على اي ام مهملة بعياليها ، يقول والله والنعم فيج
مش فارتهم على الخدامة..
وايد اشياء الصراحة...وريلي مستحيل يقولي اتمنى هالشئ شفته عند حد ثاني ..
لآني أحاول اخلي كل شئ تمام معاي..الحمد لله..
الله يحفظ الجميع يا رب

__________________________________________________ __________

>>>> الرد الرابع :
احسه موقف صعب واساسا سواء ذم ولا مدح الاثنين تراهم يؤدون الى نفس المعنى

الا وهو انه منبته على وحده غيري
الله المتسعان

__________________________________________________ __________

>>>> الرد الخامس :