عنوان الموضوع : شو نصايحكم لي...خدامه ماتعرف عربي ولا انجليزي^^
مقدم من طرف منتديات الضمير العربي

خواتي ابي خبراتكم باجي 3ايام وبتوصلني خدامتي يديده واول مره تشتغل ماتعرف عربي ولا انجلش

ماعرف كيف اتواصل وياها^^

وشو الشغلات الي لازم اعودها عليها من امور النظافه:

فكرت اعلمها الطبخ بشرط تلبس القفازات الشفافه(ما ادري ليش احس بطعهم من ايديهم )

كيف اعلمها الكوي؟؟

تنظيف البيت كيف تخمه وتمسحه؟؟


بروحي ماعرف شي^^



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي .. أنا ما عندي خبره وااايد مع الشغالات بس بعطيج اللي اعرفه ان شاء الله اقدر افيدج ^_^
1- طبعا مب من اول يوم بتعلمينها كل شي لأن يبالها وقت لين تستوعب خصوصا انها مب مشتغله قبل
2- أفضل لج لو تزهبين دفتر لها و قلم و انتي جزئي لها قسم للنظافه الشخصيه ، قسم لتنظيف الغرف - قسم للمطبخ بتقولين ليش ؟ بقولج لأن بيساعدها في انها تتذكر الخطوات و ما تنسى شي مره مرتيه 3 بالكثير بتستعين بالدفتي عقب خلاص بتكون فاهمه الشغل ( ادري ممكن تشوفين الفكره غريبه بس احسها عمليه ^^)
3- طبعا مثل ما قلت قبل بتتعلم شوي شوي و على حسب شغلها لو كانت سريعه و بسرعه تستوعب بيكون احسن ف أهم شي تعلمينها الاساسيات مثلا اول شي النظافه و كيف تنظف و تمسح و تعدل و ترتب بعدين غسيل الثياب و كويهم بعدين الطبخ و كل مره شي
4 - احس آخر شي الطبخ ( الا اذا كان هالشي اساسي عندج ف تعلمينها الطبخ اول ) و طبعا على حسب نظافتها احس لو كانت تقص اظافرها و نظيفه و تغسل ايدها قبل كل شي ماله داعي القفاز ..

وووووو بس هاللي عندي و السموحه على القصور خيتو ^^

__________________________________________________ __________

>>>> الرد الثاني :
مشكوووره الطبخ اكيد اخر شي^^بس اباها تساعدني لا اكثر

يعطيج العافيه ماقصرتي


اتري الباجيات

__________________________________________________ __________

>>>> الرد الثالث :

__________________________________________________ __________

>>>> الرد الرابع :
فديتج علميها على اسماء الاغراظ وخلليها تكتبهن بلغتها وشوي شوي وريها كيف تشغل الالات الكهرباذيه لانهوايد مهم هالشي لاتخبرلج اياهن وعقب الطبخ والله يعينج

__________________________________________________ __________

>>>> الرد الخامس :
شوفي اختي انا بعد ماعندي خبره بالشغالات بس في ربيعتي عندها شغاله كانت شرات شغالتج ماتفهم شي من 5 اشهر تقريبآ والحين ماشالله تفهم كل شي في الشغل وربيعتي في البدايه يعني اول يوم اشتغلت معاها عشان تفهم
وماشاءالله فهمت الشغل بسرعه وبترتيب وشويه شويه بتتعلم العربيه والله يوفقج يالغلا