عنوان الموضوع : محتارة في بشكارتي اعمال يدوية
مقدم من طرف منتديات الضمير العربي
الموضوع سلمكم الله
عندي بسكارى سيلانيه صرلها 6 شهور عندي
اول وأوصلت عندي البيت كانت وااايد زينه تعرفون البشاكير اول مايوصلن يسعون هابات ريح عقب يستقوين
المهم عقب ماكملت 2 شهرين قالت أبويه توفي عقب كم من شهر قالت أمي أتوفت وبنتي في المستشفي بسافر أسبوعين وبرجع قلتلها ماشي تيلسين واكملوا سنينج عقب اتروحين ... قلتلها اذا بتروحين بجمع راتبج لين ماتوصل لمبلغ التذكرة والتحاليل الي خسرتينا اياهن عقب بسفرج تمت ساكته وباليوم الثاني كله امبوزمه يوم أتي اتشل بنتي الصغيره ماتضحكلها أبدا يعني تمت علي هالحال لين كلمتها عمتي قالتلها لاتمين امبوزمه سفر مابتسافرين تبين تشردين شردي بس سفر ماشي يعني انتي مخليه بنتج وريلج ويايه عسي تجمعين لقمة العيش ليش اتبوزمين وماتبين تشتغلين من عقب مارمستها عمتيه إصطلبت ويوم أتي اتشل بنتي اتلاعبها واتضحك وياها وجذه ... بس وايد تجذب والحين محتارة في موضوع سفرها أوفرها ولا لاء بس هيه مش مقصره مسويه شغلها وتنش 4 الفجر وتسوي شغلها واتكوي وتنظف البيت وتغسل بس الي مأاحبه فيها مشيتها ويوم تفتح باب الصاله تأخر جسمها علي وري وادس الباب يعني أتأخر بمنطقه الي تحت الظهر ههههه مااعرف الحين شوه اسوي ريلي بقولي ليش تقطعين رزقها خليها مسويه شغلها ومش مقصره في شي وعلي فكره عمرها 22 سنه شووووورن عليه فديتكن لأني أنا كلمت خواتيمها قالو سفريها والحين اذا قاتلهم مابسقرها ليقولن لعب بععقلج ريلج وغير رائج وانا عمري من عمر البشكاره وريلي يقولي شو بتقوليلها يوم بتسفرينها وهي ماتدري قالي تبينا انحسر فلوس مره ثانيه علي البشاكير تعبت والله من كثر ماافكر يالين لو تنصحني بلييييييييز *
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يفرج عنك و يهديك طريق الصواب ... ان شاء الله يفيدونك ما حبيت اطلع بدون ما ادعيلك
__________________________________________________ __________
>>>> الرد الثاني :
لا حول ولا قوة إلا بالله
اختي
انتي متأكدة انها كذبت عن الوفاة ؟
ما احس الموضوع عادي عسب تكذب فيه
والله تعالـى أعلم
الله يعينج ويرزقج خيرها ويهديها
وعامليا بالطيب أختي
ارحموا من في الأرض يرحمكم من في السماء ..
الله كريم
__________________________________________________ __________
>>>> الرد الثالث :
انا شغالتي نفس عمر شغالتج وتدلع الله يصببرررررني عليها
بس اختي انتي خبريها يوم دشين الباب بطليه بايدج مثلنا وخليها تسمع كلامج قوليلها تسوين كل اللي اطلبه منج وماعليج منها استحمليها لين تسافر بروحها والله يعينج ..
__________________________________________________ __________
>>>> الرد الرابع :
الله المستعان بس من هالبشاكير
__________________________________________________ __________
>>>> الرد الخامس :
حبيبتي استخيري افضل
و بعدين كل الشغالات جيه لازم يستهبلن فالحل انج تنطنشين لانه لو تميتي تفكرين فيها بتتعبين
و خلج قوية انا جيه مايخافون مني لاني صغيرة و ارحمهم ويوم اعصب ايود عمري ماحب اجرح حد
بس تعالي يوم عمتي ولا امي يهزبونها تشتغل عدل وتصطلب
سبحان الله شكلهن مبرمجات على الشدة والدلع يخربهن
رد مع اقتباس
