عنوان الموضوع : الناس قالت.. من يبيعك وشترى غيرك.. بعه شعر جميل
مقدم من طرف منتديات الضمير العربي
.
.
اللي برواق تحبني.. تقدر تفارقني.. برواق
إحساسك أصلا ما يناسبني.. وانا ما انفعه
ما دام لي مبدأ .. ولك رغبه بتغيير الرفاق
الناس قالت:: من يبيعك واشترى غيرك.. بعه
لا تلحق اللي منك ما يستاهل اسباب اللحاق
إخترت اموت ولا يقولون الخلايق,, إمعه
وأخترت افارق.. والصدق يا كره كرهي للفراق
اصبحت مثل اللي يدور للجهات الأربعه
راح الجهات الأربع.. ومازال في نفس النطاق
المشكله .. وده يفضفض مير كل يصفعه
من حيث ما وجه بوجهه .. للاسف يلقى طراق
الحزن يجتاحه وشكل في حياته زوبعه
وإحساس باهمال الجميع.. يضاهي إحساس المعاق
الظاهر إن الناس في قلب المو اجع مبدعه
والظاهر إني صرت ممن.. لا يطيق .. ولا يطاق
الحب.. من ذا اللي يقول:: الحب دنيا ممتعه
في ذمتي ما يقولها لو كان مما ذقت .. ذاق
إن شاف نفس اللي اشوف.. وما سمعته يسمعه
يختار له نار الفراق .. ولا يجي جنة عناق
العاشق اللي ما معه غير إ نتفاضة مدمعه
الله يكون بعون قلبه .. واحتراقه .. إحتراق
إن جيت تلقى حالته حاله وشبه مضيعه
أحيان يتنفس ولكن أغلب الحال .. اختناق
إنهد حيله.. وإنجرح .. وإحتاس في هالمعمعه
محتار ما يدري على ويش الزعل والإنشقاق
إنصب تفكيره على (ماذا وراء الأقنعه)
مسكين كان آخر ضحيه للخيانه .. والنفاق
الحين يا ضده تكون الناس .. ولا يا معه
ما يعترف بالأوسطيه .. و الثقه .. والإتفاق
أرثي لحاله عندما يكتب على الرمل اصبعه
(هذي نهاية ما يسمونه .. محبه وإشتياق)
الصدمه اللي سببت هالحال .. جدا موجعه
أشبه بصدمة أمة الإسلام في أرض العراق
مجنون ليلى يتبع أهواءه .. وحنا نتبعه
يعني انا وآلاف غيري .. نندرج ضمن السياق
الصدق .. لو هم الرجل في كلمتين تقلعه
ما تمنعه أحيان .. كلمة (يبغض الله الطلاق)
السالفه أكبر من انه يمتنع .. او تمنعه
ما دامت الدعوه.. مصير إنسان مربوط بوثاق
إن حب ..حب.. الله يعينه والحشا متولعه
من وين ما قلبه يسوقه من ورى خشمه يساق
الود ودك.. لا وصل للوضع هذا .. تقنعه
(مهما إستمر الحب.. يبقى آخر الحب .. إفتراق)
أكبر غلط لو شخص متبهذل يحب مدلعه
منقول
k.m.n
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
قصيدة جميله
طبت و طاب منقوولك
دمت بخير
__________________________________________________ __________
>>>> الرد الثاني :
صح لسانك ولسان قائلها
تسلم أناملك ع النقل
لاهنت
قصيدة جدا رائع بما تحمله من كلمات
مبدع ومتألق دوما
ننتظر جديدك
تقبل مروري...}
__________________________________________________ __________
>>>> الرد الثالث :
روووووووووووووووووعه ويعطيك العافية
__________________________________________________ __________
>>>> الرد الرابع :
يالبه يدا نقلت هالقصيده
مشكوووور يالغلا لاهنت
تقبل مروري
__________________________________________________ __________
>>>> الرد الخامس :
رائعه رائعه تسلم ايدك اخوي على النقل الرائع
تقبل طلتي
الدلع عنواني
رد مع اقتباس
