عنوان الموضوع : قصيده بعنوان فراق الحــــــــــــــــــب
مقدم من طرف منتديات الضمير العربي
فراق الحب
فتحت الصفحة الأولى وقلبي خايــف ومرتــاب **** وروحي من تصاريـف الزمـان المـر مرتـابـه
حـياتـي كـلهــا قصـه حـفظهـا خافـقـي بكـتاب **** وجزئـها القدر فينـي مدام الخـافـق كتابـه
سطور الحب مكتوبـه بدمـي والدمـوع أسـباب **** حكمها الشوق بعيون تهل الدمـع بسبابـه
وجيتـك فـاتـح كتابـي واناظر لك وفــا واعجـاب **** مدامك فيه مكتوبه سطور تشـرح اعجابـه
لأنـك فـي نـظر عينـي شمـوخ شـامل جـذاب **** ولك يا بنـت فـي عينـي مزايا حيل جذابـه
شملتي العز من عز الجماعه والخجل منساب **** مزايا ترفعك عندي وصرتـي فيه منسابـه
انا يا بـنـت مـو عـاشـــق وادور لـلـثـنـايا نــاب **** انا مخلـوق يتــألـم وكلـه مـــن سـبب نابـه
هويت الي سلب روحي هويته والهوى غلاب **** وضميته عسى يبقى معي بظروف غلابـه
عشقته كثر ما جيـته مـحبـه او زعـل وعـتـاب **** وانا كلي لأجل عيـنه ولـو ضـايقنـي عـتابـه
تواجهنا على الطيب وتعانقنـا عـلى المـرقاب **** عشـقـنا بعـضـنا والشـوق خاوانا لمـرقابـه
انا مالي امل دونه حفـرت لخافـقـي مـنصـاب ****شراييـن الغـلا تـنـزف حـزن والـروح منصابـه
ومالي غير انادي له وفي يدي حفنتين تـراب **** تهيم الروح مجـروحـه مدامـه يحضـن تـرابـه
غسلتـه بالعيون الـي مطرهـا يحتويـه اطـياب **** وكـفنـتـه وانـا حـزنـي لحـد يحويــه باطـيابـه
كثر الـناس مـن حـولي ولكنهـم غـدو اجنـاب **** جسد مفـرود من روحـه يجول الهـم بجـنابـه
أنا الوافي وأنا الخاين وأنا الصادق وأنا الكذاب **** وأنا قصـة قـهـر تبكـي دمـوع عيــون كـذابـه
أنا ودي تحـس انـي اخـون الـيا قـفلـت البـاب **** عسـاها تـهتنـي بقـربه لـيا منـه فتـح بـابـه
أنا يابنـت لـو بـيـدي اجافـيـها زعـل وأعـصـاب **** ولكن خـايـف اتمـادا واجيـب العيـد بأعصابـه
أخاف الدمع يسبقني وأخـاف انها تروح رقـاب **** لجل ما تبتعد عني وأضـم الحب وأرقى بـه
انا بأوصيـك يابنـت أحضنيهـا والـوصـاه أطنـاب **** تواسي البيت وحـبال المـوده توصل أطنابـه
ابيهـا ما تشـاركنـي قهـر دنيـا ودمـع أهــداب **** ابـيهـا تهتنـي فـيهـا نظـر مايسقي أهدابـه
وابيها تنشغل عني وأنا بنصى الحـزن بركـاب **** ترى ألزم ما علي شوفة حبيبي تفلح ركابـه
ألا يا عل مـن يزعـل غناتـي يلقفــه مـخـلاب **** ويتـعـذب قبـل يـفنـى سنيـن بـجـور مخلابـه
ألا يا عـل مـن يقسى عليهـا ينتهـي بنـيـاب **** يـذوق المـوت بالمـخلـب قبـل لايـغـرز انـيابـه
طلبـت الله يكسيـه السـعـاده بالـحيـاه ثـيـاب **** وتزهـى فرحـته دنيـا سعيـده تشـبـه ثـيـابـه
وعساها تحترق زهرة شبابي والعمر ما شاب **** مدام البقـا والمـوت عنـدي صـار متشـابـه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسانك
قصيده في غاية الروعه
يعطيك العافيه
__________________________________________________ __________
>>>> الرد الثاني :
يعطيك العافيه الاروع مروركـ
__________________________________________________ __________
>>>> الرد الثالث :
سوري الأروع
__________________________________________________ __________
>>>> الرد الرابع :
قصيده جميله استمر في ابداعك
__________________________________________________ __________
>>>> الرد الخامس :
قصيدة جدا رائعه ابدعت وابدع قلمك الراقي
صح لسانك قصيدة متعوب عليها
تقبل مروري السريع
بنت وائل
رد مع اقتباس
