عنوان الموضوع : لعنبو كف على المده قصير قصيدة رائعة
مقدم من طرف منتديات الضمير العربي
ويش اسوي لاطريق ولاخوي
لا قرار ولا خيار ولا مصير
الليالي تلوي ذراعي لوي
والرفيق السيف يغريه الجفير
والضياع بسكتي يدوي دوي
اتصفق لا سراب ولا غدير
أطوي الظلما وعيت تنطوي
واشتهيت الشوف بعيون الضرير
مثل طير طاح بيدين بدوي
يلعن الطيحه ولا يقوى المطير
كل يوم آقول باكر تستوي
وخاب ظني بالزمان وبالنصير
كنت انا الصدر الحنون المحتوي
وكنت انا ل..احساسهم سلك الحرير
وصرت انا هاك النحيل المنطوي
تلهث انفاسي ورا حلم كبير
ضاعت الحيلات حيل الله قوي
لاني الأول ولا اظن الأخير
قلت با صرخ وآخر علاجي كوي
وصلت الحلقوم والخاطر كسير
من شرب من كف غيره ما روي
لعنبو كف على المده قصير
لاتعاتب ويش اسوي يا خوي
لاقرار ولا خيار ولا مصير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسانك ويعطيك الف عافيه
تقبلي مروري مع تحياتي
__________________________________________________ __________
>>>> الرد الثاني :
يـعـطـيـكـ الــف عاآفـيهـ
تقبلي مروري
بنت أبوي
__________________________________________________ __________
>>>> الرد الثالث :
صح لسااانك
كلماات راائعه
__________________________________________________ __________
>>>> الرد الرابع :
صح لسان الشاعر ويمينك على النقل الذوق
تحياتي
__________________________________________________ __________
>>>> الرد الخامس :
صح لسان الشاعر قصيدة جزلة
يعطيك العافية على حسن ذوقك الراقي
تحياتي لك
رد مع اقتباس
