عنوان الموضوع : تجمع امهات ((طلبة بطيء وصعوبة التعلم)) في الامارات
مقدم من طرف منتديات الضمير العربي
السلام عليكم ورحمة الله وبركاته ...........
خواتي حبيت افتح التجمع عسب الكل يستفيد اكيد فيه امهات هنا وعندهم طلاب وعندهم صعوبه ف التعليم
ف ياليت الكل يحط اسلوب التدريس او اصال المعلومه لها الفئه من الاطفال وياليت تذكرون نوع التأخر وهل ولدج تربيه خاصة او لا
انا اول وحدة بشارك انا عندي ولد عنده صعوبه ف الحفظ والفهم لكل المواد بصف اول ابتدائي وراسب بس استثناء من الوزارة نجحوه وها السنه صف ثاني تربيه خاصة ولا اعرف كيف ادرسه او اساعده في دراسته طلبت العون منكم يا مشرفت لتحذفون الموضوع وياليت يثبت
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
__________________________________________________ __________
>>>> الرد الثالث :
والله ما عندى فكره
بس خلى املج فى الله كبير واكيد فى طريقه تنفع معه ويستجيب ان شاءالله
مودتى
__________________________________________________ __________
>>>> الرد الرابع :
تبين نصيحني اتبعيها والله ما راح تندمين
1- دخلي ولدك مركز تحفيظ قران والله بتحسين بتطور (مركز تحفيظ جيد ) القران يقوي الذاكرة ويهدي النفسية
2- شلي من بالك انه ما يفهم ومايقدر وعند صعوبت تعليم (اعرف ان الواقع مر بس انتي اتوصلين رساله للولد بانه فاشل وان فشله بسبب مشكلة كبيره)
3- وفري له نشاط رياضي يحبة وشركيه فيه الرياضة تساعد ولا تقولين الوقت البدخله في رياضة خل ادرسة فيه احسن (لان هذا بيأكد ان المشكله فيك انتي مو فالولد)
4- شوفي وين المشكله في الحفظ ،مسك القلم ،استيعاب الدروس ولا كله على بعضه ولو تسالينه شو مايحب في المدرسة تراى والله ما يكره المدرسة الا اذا صار له موقف مع حد او تعرض لاهانة واضرب بسبب المدرسة
5- حاولي تاسسينه في الحروف والارقام عربي وانجليزي
المهم انا من تجربتي كان عندي ولدين نفس ما كنت تقولين خذيت الاول الى المستشفى علشان اتكد ان مافي مشكله صحيه وطلع ما يسمع عدل وسويناله عمليه ودخلته مركز تحفيظ وما شاء الله عليه اشطر واحد في البيتالله يحفظه ، اما ولدي الثاني الله يهديه ماوديته المستشفى ولا بوديه لان مشكلة يحب يلعب وما يحب يمسك القلم والحمدالله انه بعده في الروضة ملحوق فيه هذا مطلع في راسي نخله او مزرعة نخل وال نحصتك به سويته اسس في الدراسة واشجعه بهدايا يحبها ومن اختياره والله انه مختار الغالي وقلتله الغالي لليب شي اكبر من ثمنة واختار رياضة السباحه ال خفت من نشاطة المفرط والحمدلله انه في تطور بس مثل ما قلتك لزم تصبرين واتحسسينه انه بيكون اشطر واحد وان ما في حد ما يغلط بس الشاطر يصلح الغلط وما يرجعله وانا اقولك بتتعبين وايد بس لزم تصبرين وادعي له (ان الله يسر له دروسه ويرزقه قلب حافظ ولسان لفظ وعقل راجح )
__________________________________________________ __________
>>>> الرد الخامس :
انا بنتي عمرها 4 سنوات روضة اولى لين الحين ما تعرف تمسك القلم عدل وما تعرف تكتب الحروف صح احسها موووووووووووووووول ما تعرف شي
رد مع اقتباس
