عنوان الموضوع : ❤❤ღ » قائمة الأطباق المميزه من أختياري .... متجدد ومنوووع « ღ❤❤
مقدم من طرف منتديات الضمير العربي

​بسم الله الرحمن الرحيم
السلام عليكم ورحمة الله وبركاته
------
اولاً اشكركم على ردودكم الطيبه في مواضيعي ‘‘
هذا لموضوع فضّلت يكون متجدد
كل مَ احصل وقت اضيف وصفات جديده ومتنوعه بإذن الله طبعا منقوله
كل اللي اطلبه منكم سواء عضوات او زوار الدعاء لوالديّ ولي بظهر الغيب
بالتوفيق والسعاده ويحقق كل امنياتي وووو اعرف اطبخ
وكل دعوه طيبه ... ملك يرد ولك بالمثل =))
الموضوع إهداء للجميع،،،
نبتدي على بركة الله
ولاتنسون تقولون ماشاء الله تبارك الله و تحديث للصفحه او ريفريش F5 حتى تفتح كل الصور
.
.

أقماع الفاهيتا




المقادير :
- صدور دجاج مقطعه
- 2 م ك عصير ليمون
- 1 م ك صويا صوص
- 2 م ك بهارات فاهيتا استخدمت هالنوع



- بصل مقطع جوانح
- فلفل رومي ملون مقطع شرايح
- 1/2 م ص | بابريكا | فلفل أسود | وكمون

- كزبرة مقطعة- اختياري -
- جبن مكسيكي - يمكن استبداله بـ 2 جبن شرائح - استخدمت هالنوع



- خس مقطع شرايح رفيعة
- صوص ثاوزند ايلاند - ممكن استبداله بـ مايونيز-
- تورتيلا


الطريقة :
- نتبل الدجاج بالليمون والصويا وبهارت الفاهيتا ونتركه ساعه
- نشوح البصل بزيت لحد ما يذبل ونضيف الدجاج نخليه لحد ما يطلع مويته وينشف
- نضيف البهارات
- نضيف الفلفل الملون ونتركه 5 دقايق بدون ما يذبل مره
- نطفي النار ونضيف شوي جبن والكزبرة


- نقطع التورتيلا 4 مثلثات
- نلفها على شكل قمع ويكون الطرف المثلث لبرا ونثبتها بشوي صوص عالطرف
- ندهنها من جوا بصوص الثاوزند آيلاند نحط خس وملعقة كبيرة من الفاهيتا
- ونحطها بالتوستر

الصوص :
زبادي | ليمون | بقدونس

وبالعافيه




سبحان الله وبحمده ~ سبحان الله العظيم





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
​أفخاذ الدجاج بعجينة البف بيستري



أول شي تكونون مجهزين اصابع بطاطس مقطعينها وسالقينها نص سلق
وتكون بردت مو حاره إنتبهوا لهالنقطه لأنه وهو حار راح يذوب البف بيستري
تاخذون مربع من عجينة البف بيستري وتفردونه لحد ما يصير رقيق بس مو لدرجة يتقطع
بعدين تقسمونه 4 أقسام


تحطون حشوة الدجاج داخله بالطريقه اللي حطيتها لكم بالصورة
وتحطون برضو البطاطس بنفس الشكل ..



تطوون الجزء اللي فوق بعدين الطرفين عليه وتضغطون عليها بأطراف اصابعكم تمام
راح تلاقونها تلصق معكم بسهوله لأن البيف بيستري من العجاين الرطبه ما يحتاج شي
ولو انشقت شوي على جنب او شي لا تتضايقون البيض والبقسماط بيسوون اللي عليهم



البيض تبلته ببريكا وملح وفلفل اسود
نحط القطع فيه بعدين بالبقسماط وضروري نتأكد انو تغلفت زين من كل مكان
انا هنا خلطت بقسماط عادي وصيني



ونسوي الكمية كلها وطبعاً انتبهوا لتقطيع اصابع البطاطس بالذات لو عندكم ضيوف
يكون شكلها مرتب ومتساوي



بعد كيذا نقليها بالزيت ولا يكون حار مره لأ حار بس مو مرررره عشان تستوي كلها
سوا البطاطس او العجين وكل شي
وصحتين والف عافيه


سبحان الله ~ الحمدلله ~ لا إله إلا الله ~ الله أكبر ~ لاحول ولاقوة إلا بالله


__________________________________________________ __________

>>>> الرد الثاني :
يسلموا ايديج حبيبتي
الله يناولك مراد قلبج ويشفي والدج يارب

__________________________________________________ __________

>>>> الرد الثالث :
؛
الكباب


نص كيلو دجاج مفروم او اللي يحبون اللحم لحم مفروم ..
تحطون عليه بقدونس مفروم وكزبره وشبت << الكزبره والشبت إختياري
فصين ثوم مفرومين
فص بصل متوسط
حبتين توست ( مربعين يعني )
كلها انا احطها بمحضرة الطعام وبعدين احطها على الدجاج او اللحم
وبعدين نتبله بملح وفلفل وكزبره مطحونه << مهمه تعطي طعم مرره لذيذ للكباب
وبهاراتكم اللي تحبون / ممكن تحطون تندوري / او كاري
اي نكهة انتم تحبونها تتركونه ساعه كامله بالثلاجه بعدها تبدون تشكلونه بالأسياخ
ولو حابين تسوونه على شكل كور ممكن اللي انتم حابين
انا اشويه على الشوايه .. ولو حابين ممكن تحطونه بالفرن وممكن تحمرونه بزيت خفيف
بس الأخيره مرره دسمه .. افضل على الشوايه او بالفرن .. وتدهنونه شوية زيت
وهو ع الشوايه او قبل يدخل الفرن
تقدمونه مع الرز او الخبز والحمص والمتبل والصوصات
انا سويت رز وبرضو قدمته مع كتشب / مايونيز / ثوم
وصحتين والف عافيه يارب


لا إله إلا الله عدد خلقه ورضا نفسه وزنة عرشه ومداد كلماته

__________________________________________________ __________

>>>> الرد الرابع :
؛

dia جزاج الله خير
الله يعطيج اضعاف م دعيتي ومنوره ،،
-----


- الذ صينية دجاج اطبخوها وانتوا واثقين -



المقادير

مقادير التتبيله
توضع جميعها في الخلاط :

4 م ك كاتشاب
4 م ك مايونيز
2 م ك صلصة طماطم
2 م ك خل ابيض
م ص ( ملح , كركم , بهارات مشكله , بهارات دجاج )
3 فصوص ثوم ( او 2 م ك ثوم بودره العلالي)
نصف م ص فلفل اسود
2 م ك دبس الرمان



الدجاجه يكون ذايب منها الثلج وتقطع ارباع ونعمل بها شقوق
وتتبل بالخليط السابق وتوضع بكيس ثم في الثلاجه ( ثلاث ساعات و ممكن ليله كامله )
الخضار : (بطاطسه وسط + نصف جزره + نصف فلفل اخضر واحمر + بصله كبيره )

***
في اليوم الثاني توضع الدجاجه مع خلطة التتبيل في صينية الفرن وتكون بحجم الدجاجه (موكبيره)
ونضع عليها ( شرائح بطاطس غير سميكه + حلقات فلفل اخضر واحمر+دوائر جزر+بصل ني شرائح )
واصب في قاع الصينيه حوالي نصف كوب ماء مغلي.



ثم تلف بالقصديرثم في الفرن من تحت ساعه على درجه 250
ثم من فوق وتحت نصف ساعه ونزيل القصدير لتتحمر
مع صب الصوس على الخضار لتلين وتقدم مع خبز او رزابيض وسلطه .


وبالعافيه


سبحان الله العظيم وبحمده


__________________________________________________ __________

>>>> الرد الخامس :
متعوب عليه
يزاج الله خير
الله يعطيج ماتتمنين