عنوان الموضوع : حامل.. وريلج مسافر..مفاجاه خطيره ..تعالي لتربية الطفل
مقدم من طرف منتديات الضمير العربي
الله يقومج بالسلامه يا الغاليه ..وتقر عينج بردة ريلج بالسلامه
شوفي فديتج ..انا عندي فكره ..بس إن شاء الله تعيبج الفكره ..
شوفي يا الغاليه ..بيرد ريلج عقب فتره..من الحين ابغيج تكتبين مذكراتج ..كل يوم بتاريخه ..تكتبين شعورج واحساسج ..ومنياتج ..تجاه النونو وتجاه ريلج ..حتي ألامج يلي تمر عليج ..وزيارات للمستشفي ...ولعيادات الخاصه ..واطلبي من الدكتوره إنها تعطيج صورة البيبي ..في نموه ..شهره بشهر ..وصوري عمري بين فتره وفتره وأنت حاطه يديج على بطنج ..وصوري أغراض النونو..وسريره عسب عقب ريلج ..يكون مطلع على كل شئ ..وتقولين له ..فديتك لو انت في سفرك ..بس روحك معاي ..بغيتك أنا ونونو تكون معانا في سفرنا ..(فترة الحمل )
حتي عقب إن شاء الله يوم بييج وجع الولاده ..خلي أختج تصورج فيديو ..ما قبل الولاده ..وخليها صور عاديه وأنت تتألمين ..عسب يحس كم تعبتي وتالمتي وهو بعيد عنج وانت في رباج ..وعقب الولاده ..مع صور عاديه ..لج ولنونو..حتي الدكتوره يلي راح تكون مشرفه عليج في الولاده ..صوريها مع النونو..عقب صوري النونو ..بعد أسبوع من ولادته ..وإذا فكرتي تحلقين البيبي ..صوريه فيديو ..وحتفظي بشعره في علبه ..وصوري البيبي وإنت تسبحينه وترضعينه وتلبسينه ..فيديو وصور عاديه .النونو في فترة نموه ..حتي يرجع ريلج بالسلامه ..
عقب أشتري علبه حلوه ..وحطي فيه كل شي ..من ألبوم صورج أنت والنونو ..سيديهات الفيديو يلي صورتيها فيديو ..وكتبي على كل سي دي مناسبة الفيديو مع التاريخ ..وحطيه في علبه بروحها ..عقب حطيها في العلبه الكبيره ..وحطي بعد ساعة ودفتر البيانات ولف النونو عقب ولادته في علبه بروحها ..وحطيها مع الأغراض في العلبه الرئيسيه ..
وفي يوم ردته ..زيني العلبه ..إذا الله سلمج وربيتي ويبتي ولد ..خلي الغرفه كلها زرقه ..وبالونات زرق ..حتي ثيابج وقميص نومج ..وإذا كان النونو بنت ..سوي كل وردي ..
وإن شاء الله عيبتج الفكره ..وتحياتي لج
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممممممممممممم
اخلي اختي اتصوري وانا اتويع؟؟؟؟؟؟
لا تعليق بصراحه
__________________________________________________ __________
>>>> الرد الثاني :
__________________________________________________ __________
>>>> الرد الثالث :
المشاركة الأصلية كتبت بواسطة أم ود!د
امممممممممممممم
اخلي اختي اتصوري وانا اتويع؟؟؟؟؟؟
لا تعليق بصراحه
ضحكتيني فديتج ..لا يا أختي ..أنا قلت الغرفه قبل الولاده ..مب حزت الولاده ..لو أنا أتويع وتعبانه ..والبيبي بيطلع ..مستحيل ارضاها على عمري..وعقب يا أختي الريال لازم يحس وشوف جيف حرمته تعبت وهلكت علشان خاطره ..وعلشان النونو..عسب يحطي حرمته على راسه وقدرها
__________________________________________________ __________
>>>> الرد الرابع :
فكرتج حلوووووووووووووه أختي ماشاء الله علييج
ومنج نستفييد .... وشكلي بطبق هالفكره ههه
مووووووووووفقه إن شاء الله بالدنيا والآخره
__________________________________________________ __________
>>>> الرد الخامس :
والله لطنفه من وين ماهو مسافر 
مسود الويه انا في حاله و هو ولا مفتكر خخخخخخخخخ
بس الصراحه فكره حلوه .. يعطيج العافيه .. ^ ـ *
رد مع اقتباس
