عنوان الموضوع : نصيحتكم بنآت ضروري .. وايد افكر فهالموضوع لحياة صحية
مقدم من طرف منتديات الضمير العربي

السلام عليكم ورحمه الله

شخباركم واعلومكم

بنآت انا ساكنه فبوظبي مع زوجي بحكم طبيعه شغله هناك ..

وطبعا ما نعرف حد هناك ابد ,,,

اهلي واهله من اماره ثانيه بعيده عندنا يعني يبالهم ساعتين او اكث عسب يوصلون لنا ..

المهم

انا حامل فالشهر السابع .. والله يتمم حملي على خير ويسهل ولادتي

عمتي ام ريلي ربي يحفظها قالت لي اول ما ادشين التاسع روحي بيت اهلج عسب هم يدارونج هناك

ومن هالسوالف يعني ..

بصراحه بنات .. نحن فبيت هلي ما عندنا حد يسوق كل الاولاد صغار اللي عندنا ..

واغلب مشاورينا كانت بالتكاسي

وانا استحيت اقول لعمتي هالشي .. لاني احس كاني اكسر الخاطر ..

كلمت ريلي وقلتله اعرف هلي ما بيقصرون بس لو ياني الويع في وقت انت مش موجود فيه وش بسوي ساعتها ونحن ما عندنا حد يوصلنا ..

قالي افتحي ملف فالكورنيش فبوظبي وخلج معاي فالشهر التاسع ..

انا فتحت الملف الاسبوع اللي طاف

بس احس لو ربيت هناك محد بيكون عندي غير ريلي وهذي اول ولاده لنا

ريلي يقول عادي هو يكفي ويوفي ..


واول ما اولد بيروح اييب هلي عندي ..

بس ما ادري احس انه اول مره .. ما اعرف اتصرف

انتو وش رايكم .؟!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينج الصراحة
سيري عند اهلج ..وخلي ريلج ياخذ اجازة يوم تكونين فنهاية التاسع
انا جي اسوي...

__________________________________________________ __________

>>>> الرد الثاني :
بالعكسسسسسسسسسسس حبوبه احسن شي لما يكون زوجك جنبك وقريب منك .. صدقيني بيحس فيك أكثر وخاصه انه عارف مافي حد بعد الله غيره هو قريب منك واهلك بعيدين ..
شي حلو لما يكون اول من يشوف البيبي هو واول من يحضنه بعدك هو .. بيكون للولاده طعم غيييييييير
لاتتضايقين .. استانسي حبوبه وعيشي اللحظه باللحظه .. وادعي ان ربي يهون عليك لان اللي يسهل الولاده رب العالمين هو اللي بيكون جنبك ربك .. ادعيه ترجيه تضررعي له .. وتذكري قبل كل شي ان كل شي بأجره واحتسبي الأجر
الله يهون عليك وتقومي انتي والبيبي بالسلامه يارب

__________________________________________________ __________

>>>> الرد الثالث :
الغالية الله يسهل عليج
بس خلي ريلج ياخذ اجازة انتي في نص التاسع
ويتم وياج بيت اهلج

__________________________________________________ __________

>>>> الرد الرابع :
حبوبة أنا من رايي،، ربي هني،، ويوم تظهرين من المستفشى سيري عند أهلج،،
بس في النهاية الشور شورج و شور ريلج،، صلي الاستخارة..

__________________________________________________ __________

>>>> الرد الخامس :
حبوبة مافيها شي أنا ولدت فالغربة ومحد كان وياي غير ريلي
وإذا إنج ماتعرفين شي النيرسات هناك مايقصرن بيعلمنج كل شي إنتي لا تحاتي
وإذا وايد خايفة خلي أمج ولا عمتج ولا أي حد يكون عندج لين ماتولدين بالسلامة"