عنوان الموضوع : بنج كامل ولا نصفي لسلامتك
مقدم من طرف منتديات الضمير العربي


بنات اللي جربوا العملية القيصريه ممكن تفيدوني شو الاحسن بنج كامل ولا نصفي ؟؟؟؟
و في اي اسبوع من الحمل يسوون العملية؟؟
انا عاطيني موعد السبوع اليااي بكون كملت 38 اسبوع...
خااايفة واااايد بنات اللي مجربه تفيدني بليز...شو لازم اسوي قبل وبعد العملية؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله تقومين بالسلامه ماعندي خلفيه

__________________________________________________ __________

>>>> الرد الثاني :
البنج الموضعي احسن لج لكن الراي الاول والأخير للدكتورة اسأليها ... والله يوفقج وتربين بالسلامة ان شالله

__________________________________________________ __________

>>>> الرد الثالث :
النصفي احسن

لان اختي وحده سوت نصفي

والثانيه كامل

والكامل تعبها وايييييد الى جانب اللي نصفي لولا الولد بيوديونه العنايه المركزه الا جان شافته

يعني احسن النصفي

واسالي الدكتوره

__________________________________________________ __________

>>>> الرد الرابع :
أنا أمي الله يعطيها العافية جربت الاثنين
و حبت النصفي أكثر... لأنج تكونين واعية
وتشوفين البيبي أول ما يطلع من بطنج
لكن الكامل ما اتحسين بشي...تنشين من الرقاد الا البيبي مسبحينه ومنظفينه وحاطينه حذالج

وعلى قولت الدكاترة ... النصفي أحسن
لأنج ما اتحسين بلوعة ودوخه بعد ما اتنشين

في بنات من جيلنا... يعني في بداية الثلاثين
ما حبوا النصفي...لأن الأبرة تعور
وتشوفين غرفة العمليات وتشوفينهم وهم يجهزون ويتكلمون
وااااايد زاغو

__________________________________________________ __________

>>>> الرد الخامس :
هلا اختي الله يقومج بالسلامة إن شاءالله .
عن نفسي كان موضعي وتمنيت لو كامل لاني تعبت واااايد.بس بنت اختي كانت كامل وحسيت إنها احسن .وانت والدكاتره عاد والله يعينج يا اختي ويقومج بالسلامه يارب .