عنوان الموضوع : مين فيكم شاطرة توصف ^____^ لصحة الجسم
مقدم من طرف منتديات الضمير العربي

هلا بنات

يعني لو وحدة تقدر توصف شو شكل الالم اللي بنحس فيه يوم الولادة؟؟؟


خايفة لاني ما اعرف شو يعني هذا الالم...

يمكن لو مجربته كان عادي واستعديت

وحدة من صديقاتي قالت .. تحسين انه عظامج تتكسر وانه الالم مو محمول
يعني تحسين روحج تطلع ...

ارجوكم قولولي وكم بيستمر الالم؟؟؟

احيانا اشوف كوابيس من كثر التفكير ....

ادعولنا بنات احنا البكريات وايد خايفين من المجهول شي ما نعرفه

امس قلت حق ريلي .. لو صارلي شي ومتت ما تعطي النونو الا لامي ...

والله فديته دمعو عيونه وقالي اسكتي ^__^

وحسيت عمري بصيح

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ياحليلج ....... اعتقد الالم في بدايته يكون مثل المغص وطبعا بتكون علامات مثل نزول دم, ماي والم في الظهر

بس الله اللي خلقج ارحم بكثير الله يسهل عليج ولادج وتقومين بسلامه وطمنينا عليج وربي يسهل علي وعلى كل حامل

__________________________________________________ __________

>>>> الرد الثاني :

المشاركة الأصلية كتبت بواسطة النهديه
ياحليلج ....... اعتقد الالم في بدايته يكون مثل المغص وطبعا بتكون علامات مثل نزول دم, ماي والم في الظهر

بس الله اللي خلقج ارحم بكثير الله يسهل عليج ولادج وتقومين بسلامه وطمنينا عليج وربي يسهل علي وعلى كل حامل



امين يارب .. وتسلمين الغالية

على فكرة عجبني وايد المكان مالج

عدال بيت جيرانكم

__________________________________________________ __________

>>>> الرد الثالث :
أختي لا تفكرين وايد بالألم ودايما خليج متفائلة

وقولي لنفسج أنا أقدر مثل كل الحريم اللي ربوا أنا ما أفرق عنهم !!

هذي رسايل ضرورية للمخ من بداية الحمل والله بيسر لج الولادة

واذا حابة تعرفين الألم فأقدر أقول لج أنه نفس ألم الدورة في أول يوم لها

مع فرقين بسيطين الأول أن الألم أقوى من ألم الدورة بعدة أضعاف وممكن يتركز في البطن وممكن في الظهر

والفرق الثاني أنه يستمر لنص دقيقة تقريبا وفجأة يختفي كأن مافيج شي أصلا وتردين طبيعية جدا

طبعا اذا كانت الولادة بعدها باقي عنها ساعات تقريبا بتشوفين الألم مب قوي وايد وترتاحين 10 دقايق بين الألم والثاني وممكن تكونين وقتها في البيت

وكل ما قربت الولادة وفتحت النفس الألم يزيد وفترة الراحة تقل لدقيقتين وهذي ضروري تكونين في المستشفى

ووقت الولادة نفسها والدفع بيكون اقصى درجات الألم وفترة الراحة تصير دقيقة تقريبا

بس لازم تنتبهين أن الدفع يكون وقت الألم بس ! ولازم تتنفسين بالطريقة الصحيحة اللي بتلقينها في عدة مواضيع في المنتدى

أتمنى أكون أفدتج وما خوفتج ^_^

الوحدة تتوكل على الله وتحط في بالها أنها تقدر وان شاء الله النيرسات ما بيقصرن

يخبرونج لما يشوفون راس البيبي ويشجعون ومن يطلع البيبي انسي كل الألم ما فيه ولا ذرة ألم ان شاء الله ولا كأن كان فيج شي وهذا اللي يشجع الوحدة تتحمل الطبيعي لأن القيصري ماشي ألم وقت الولادة لكن الألم بعدها أسابيع !

والله ييسر للجميع اللي فيه الخير ..

__________________________________________________ __________

>>>> الرد الرابع :
الغالية .... حطي في بالج انه مهما كان حجم الالم ... يحتمل والا لأ في النهاية على كل هالتعب
راح يعطيج رب العالمين جنه تحت الاقدام....
والالم انت ماجورة عليه كلنا خفنا من شي اسمه الوجع والطلق ... لكن يا سبحان الله من تشوفين البيبي
الالم يروح وما عاد تحسين فيه ... والله يسهل عليج يارب ويرزقني يارب

__________________________________________________ __________

>>>> الرد الخامس :

المشاركة الأصلية كتبت بواسطة أنامل
أختي لا تفكرين وايد بالألم ودايما خليج متفائلة

وقولي لنفسج أنا أقدر مثل كل الحريم اللي ربوا أنا ما أفرق عنهم !!

هذي رسايل ضرورية للمخ من بداية الحمل والله بيسر لج الولادة

واذا حابة تعرفين الألم فأقدر أقول لج أنه نفس ألم الدورة في أول يوم لها

مع فرقين بسيطين الأول أن الألم أقوى من ألم الدورة بعدة أضعاف وممكن يتركز في البطن وممكن في الظهر

والفرق الثاني أنه يستمر لنص دقيقة تقريبا وفجأة يختفي كأن مافيج شي أصلا وتردين طبيعية جدا

طبعا اذا كانت الولادة بعدها باقي عنها ساعات تقريبا بتشوفين الألم مب قوي وايد وترتاحين 10 دقايق بين الألم والثاني وممكن تكونين وقتها في البيت

وكل ما قربت الولادة وفتحت النفس الألم يزيد وفترة الراحة تقل لدقيقتين وهذي ضروري تكونين في المستشفى

ووقت الولادة نفسها والدفع بيكون اقصى درجات الألم وفترة الراحة تصير دقيقة تقريبا

بس لازم تنتبهين أن الدفع يكون وقت الألم بس ! ووقت الراحة تتنفسين بالطريقة الصحيحة اللي بتلقينها في عدة مواضيع في المنتدى

أتمنى أكون أفدتج وما خوفتج ^_^

الوحدة تتوكل على الله وتحط في بالها أنها تقدر وان شاء الله النيرسات ما بيقصرن

يخبرونج لما يشوفون راس البيبي ويشجعون ومن يطلع البيبي انسي كل الألم ما فيه ولا ذرة ألم ان شاء الله ولا كأن كان فيج شي وهذا اللي يشجع الوحدة تتحمل الطبيعي لأن القيصري ماشي ألم وقت الولادة لكن الألم بعدها أسابيع !

والله ييسر للجميع اللي فيه الخير ..



فديتك عيوني وايد ريحتيني فردج وبنفس الوقت تقولين اشد الم وقت الدفع خايفة يوم ادفع يعلق راس البيبي وما اعرف طريقة التنفس.. في ميزان حسناتك انشالله على ردك


المشاركة الأصلية كتبت بواسطة بينك & وايت
الغالية .... حطي في بالج انه مهما كان حجم الالم ... يحتمل والا لأ في النهاية على كل هالتعب
راح يعطيج رب العالمين جنه تحت الاقدام....
والالم انت ماجورة عليه كلنا خفنا من شي اسمه الوجع والطلق ... لكن يا سبحان الله من تشوفين البيبي
الالم يروح وما عاد تحسين فيه ... والله يسهل عليج يارب ويرزقني يارب



تسلمين الغالية ومعاج حق اتخيل يوم اشوف البيبي سعادتي تكون لاتوصف