عنوان الموضوع : خواتي محتاجه ردكم ضروري بميزان حسناتكم تغذية صحية
مقدم من طرف منتديات الضمير العربي

السلام عليكم ورحمة الله وبركاته
بخبركم قصتي واتمنى كل وحده ترد على باي نصيحة والله تعبانه وحالتي النفسية تعبانه وايد محتاج لكم
هذه أول ولادة لي (بكرية) وكنت اراجع في مستشفي حكومي مع دكتورة استشارية وما كنت ادري أنها كاتبه في ملفي ما تباه حد يدخل في حالتي معني حمالي كان طبيعي وما كانت عندي اي مشكلة طول فترة الحمل الحمدلله والشكر وكان أخر اسبوع لي في التاسع الدكتورة كانت في اجازة وتابعت مع اخصائية ثانية في نفس المستشفي وقالت لي اذا ما ربيت بأخر يوم لج في التاسع اليوم إلا بعده بنعطيج طلق ويوم راجعتهم بهل اليوم قالت لي الدكتورة الاستشارية منعتنا من اي شيء وأنت تعالي بهل اليوم هيه بتكون موجوده معاج أغراضج جاهزه للطلق وبالفعل دخلت المستشفي بليل وهيه كانت موجود وقالت لي بنعطيج طلق صناعي الفجر وما عطوني ويوم دخلت على الصبح قالت لي فاتح 2 وبعدها بكم ساعة يتني آلالام الولادة وعلى طول طلبوها ويتني وقالت لي بعده موب وقته قلت لها وايد تعبانه عطيني طلق قالت لي اذا ىعبانه بنعطيج أبرة مسكنة خدرتني لين المغرب رقدت رقده وبعدها قمت أصيح من الالم ريلي كلم الدكتورة المناوبة قالت ما أقدر أسوي شيء لان الدكتورة الاستشارية منعتنا خل الولادة تكون طبيعية ويوم دخلت على الصبح أنا تعبانه خلاص ما أقدر قالت حق اهلى بوديها غرفت الولادة بفتح الماي وبعطيها طلق أول ما فتحت الماي قالت حق أهلى وضعها صعب الماي أخضر والياهل بستنشقه صعبه انأخر ولادتها خطر على الجنين قالت لازم عملية وحزتها الاهل وايد تردده وريلي خلاص نفسيته تعبانه صار لي يومين على وجع الله يسامحه الدكتورة طوفت موعدي وايد من بعد الولادة 10 أيام ولدتنيى بقيصرية كرهتها العملية ما أباها أرجوكم.
نصايحكم خواتي جزاكم الله خير عشان اتفادى المشكلة المرة اليايه وهل فيه أمل اربي طبيعي في الولادة الثانية ؟
حد كان بكرية عملية والثانية طبيعية تخبرني عن تجربتها وكم الفترة المناسبة للحمل بعد القيصرية؟
خواتي بميزان حسناتكم الله يجزيكم الخير ويسهل ولادة كل خواتي محتاجه لكم وايد تعبانه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله اييسر أمورج الغالية والحمدلله ع سلامتج ولاتنسين ان هالشي مكتوب لج و ﺂللّـْْ♡ـْْہٌّ مايضيع أجرج. اهم شيء الله سلمج وسلم البيبي ﺂلـّבﻤډٌللـّہ '. عآديـے الغالية وايد بكريا ت أعرف أول شيء ربو قيصري والثاني طبيعي

__________________________________________________ __________

>>>> الرد الثاني :
أختي الحمد الله انتي ماعندج مشكله في الحوض عادي تربين طبيعي عادي بس الدكتوره تأخرت عليج
في وايد ربوووو قيصريه بعدين طبيعي توكلي على الله
والأفضل يكون الحمل متأخر يعني سنتين

__________________________________________________ __________

>>>> الرد الثالث :
الحمدلله على سلامتج أختي والحمدلله على سلامة البنوتة , ربي يحفظها . أختي ما تخافي وتوكلي على الله , حرمة أخوي في ولادتها الأولى كانت قيصري بسبب تباطئ نبض البيبي والحمدلله في ولادتها الثانية كانت الولادة طبيعية. وغيرها كثير . الحين لا تجلسي تفكري في باكر فكري في صحتج وأستمتعي بالبنوتة وأرتاحي .

__________________________________________________ __________

>>>> الرد الرابع :
حمدالله ع سلامتج اختي
انا اختي ربت قيصري كانت بكريه والثاني يابته طبيعي

__________________________________________________ __________

>>>> الرد الخامس :
الحمدلله ع سلامتج اختي
وايد اعرفهم يابوا الاول قيصري و الثاني طبيعي
لا تحاتين
و اللي مكتوب لج خير