,,السلااام عليكم خواتي الحلواات ,,,بليز ساعدوني شو اسوي
سالفتي ويا خدامتي بدون مقدمات ,,
هيه يديده ,,من كم يوم ,,,هي فلبينيه مشتغله قبل سنتين في دوله خليجيه
احترت واياها هي تشتغل عادي يعني مب جنها خبره
بمطبخ ماتعرف اسامي بهارات او خضار مثل كزبرة بقدونس ماتعرفهم !!!
طبخ = 0 بس قلت يله بعلمها وشتريت لها دفتر ,,
والتنظيف وراها وتشتغل ماشي حالها
بس كنت اضن تعرف انجليزي .زين خاصه انها فلبينيه ..طلعت ماتعرف وايد !! يعني لغتهااا في الانجليزي مب لين هناك يعني اكلمها انجليزي ماتفهملي لين اعيد اكثر من مره ,,,مب بس جي لكنتها يوم ترمس احس صوتها مبهم !كله تقول اهممم ممم ااها مم يس مدام
مادري فهمتو عليه ,,يعني ما تفهم عليج مرات ولا تفهمين عليها بسبب صوتها,,,
اقولها روحي ريست ارتاحي شوي تقولي اهااا اوكي وتكمل شغل !
وانا بصراحه كنت اريد وحده تعلم عيالي انجليزي لنهم صغار توهم قبل يدشون كي جي
واليوم ,,
صار موقف (في المول عند العاب الاطفال )وعاتبتها بسسسسس والله مانازعتها ولا عليت صوتي
يوم ردينا لقيتها تصيح !!
تقولي انتي مدام انجري مضايقه مني
اقولها ماقلتلج شي !! في خاطري لو نازعتها صدق شو بتسوي !!
واقولها خلاص مب غلطج غلط الحرمه (وحده عند العاب اطفال الي صار وياها الموقف ) ومره ثانيه اتصليلي يوم يصير شي
تقولي لاا مابسير مره ثانيه !
قولولي ارجعها وايب غيرهااا عندي مهله من المكتب 3 شهور
1- لغتها تعبانه ولكنتها مبهمه هذا سبب مهم
2- صياحها لسبب تافه ! مع انه ممكن اتقبل هالحساسيه معضمهن جي لو لغتها ولكنتها زينه و واضحه
3- وخلفيه عن الطبخ = 0
ومن طرف ثاني ماحب اقطع رزق حد ومني خايفه ايب وحده وبعد تطلع فيها بلاوي غير
وادري محد كامل بس اللغه مهمه عندي
وانا مستخيره لها بس سبحان الله
انتظر ردودكم شسوي !
بصييييييييييييييييح
رد مع اقتباس
