عنوان الموضوع : ساعدووووني ما عندي حد غيركم
مقدم من طرف منتديات الضمير العربي
هلا خواتي بكتب لكم قصتي اللي استوت اليوم.....
وأنا راجعة من بيت هلي وصلت بيت زوجي ودخلت الغرفة وشفت عنده تلفون جديد قاعد يلعب فيه ومب عارف له قالي تعالي لحقيني ما اعرف استخدمه سألته من وين لك هالفون قال شريته من عند رفيجي خذيه ودخلي لي نغمة من تلفونج قلت له أوكي وهو حط البطاقة والميموري مال التلفون اللي يستخدمه ع الجديد خذته وحاولت اطرش له بلوتوث بس مب رضى يستوي ودخلت عالرنات والألعاب ودخلت ع الرسائل !!!
تخيلوا شو شفت ؟؟
رسالة مكتوب فديت روحك حبيبي
ورسالة ثانية انا أمون حبيبي وين عيديتي
وين ما سرت مكان عالعيد راح وانا قاعدة أغسل ملابس
ادري حبيبي مابتقصر
انصدمت حسيت أصابعي تشنجت وقلبي يدق سريع
سالته هالتفون مستخدم قبل قال بكل فخر لا جديد
عطيته التلفون وقلت وج هالمسج سحبه من ايدي ارتبك قال مثل الحمار يمكن مستخدم !!!!
وقلت له هالحب اللي تتكلم عنه وين الوفاء وين الإخلاص
تخيلو شو رد؟؟
قالي كلام يعور القلب ويسألني وين الثقة ليج رحتي للرسائل
وقلته انت خاين وحقير مد ايده علي يعلها الكسر آمييييين
والقهر جدام عيالي إحنا متزوجين من 8 سنوات وعندي اربع عيال
وحط الغلط كله علي
وهذي مب اول مره امسك عليه قبل جنت اشيك ع تلفونه وصا لي سنوات وعدت نفسي ما امسك تلفوني
والقهر أني ما مقصرة معاه ابدااااا واسويله كل الأكلات والسويتات وادلعه من كلام حب ورمانسية وأنيمه مثل الياهل العب له فراسه واذنه لين ينام يوميا الظهر وبالليل وحتي المياي اذا قام بالليل أسير وأشربه وكل هذا مقصر معاي لا طلعة ولا سوق ولا تمشية متحملة عشان عيالي
والله مقهوووورة لا تقولون اشتكي عليه او اطلبي الطلاق
والحين انا ما اكلمه قالي جهوي ملابسي بأجر حق الدوام قلت له مالي شغل فيك ويسير اقعد فالغرفة الثانية انا ساكنة بيت اهله وماعندي غير غرفة وحدة واااايد علي صح وهو عصب وطلع خذ وياه ملابس الدوام جنه بسير ينام هناك
قولو لي آج اسوي ما عندي حد اشتكيله
ويمكن اللي تراسله تشوف هالرساله وتعرف رسائلها
مضايجة ما اعرف آج اسوي بأجر عيالي مدارس تعرفون أني بوديهم بتكسي ؟؟؟ الله كريم
ساااااعدووووووني
كلي رجى
والله أني اكتب واصييييح ما اعرف شو اسوي *
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
ما ادري يا اختي بس انتي مسكتي عليه من قبل الزلة بس ما تصرفتي و سكتي من البداية عسب جي يا أختيه اي ريال تسكتين عن زلاته اكيد راح يتمادى مرة و مرتين و عشر صار لج ٨ سنوات متزوجة و تعرفين من قبل انه يرمس بنات و ما تكلمتي متى ان شاء الله ناوية تتكلمين و توقفينه عند حده
بالنسبة لي و لو كنت مكانج راح أخذ موقف من البداية ما راح اسكت عليه ٨ سنوات ( المفروض ٨ سنوات يعنى على الاقل يحترم العشرة الي من بينكم يا أختيه خلي حد من اهلج او أهله يتفاهم وياه اذا انتي حاسة انج هب قادرة على التفاهم وياه )
__________________________________________________ __________
>>>> الرد الثالث :
Miss pink
هلا بيج أختيه
قبل جم سنة إخواني حتى هله كلموه بس ينكر هالشي ويطلعني غلطانة ومب من حقي امسك تلفونه ويقولي انا ريال وشوري ف راسي وعلى قولة المثل ذيل الكلب عمره ما يعتدل
__________________________________________________ __________
>>>> الرد الرابع :
الله يصلح بينكم
بس من رايي هو صااج
لانه لو كان هو صج يغازل جان
ما عطاج و خلاج تلعبين فالتلفوون
ويمكن مستعمل لانه المحلات يغشون ساعات
لانه مرة ريلي اشترالي تيلفون يديد ولما يلست اعابل فيه
طلع فيه صورة وحدة ويا عيالها لابسه عباه واسم كمن واحد مسيف
فالتلفون مثل بو فلان وام فلان ،، لا تكدرين خاطرج وريحي بالج واستغفري
و اقصري الشر ،، ترا الشيطان يدور الزلات عسب ينكد عليكم عيشتكم .
__________________________________________________ __________
>>>> الرد الخامس :
المشاركة الأصلية كتبت بواسطة أم يوســـف
الله يعينج
آمييييين يارب
رد مع اقتباس
