عنوان الموضوع : الحـــوامل بالأشهــــر الاخيـــــرة ويســــوقن ... عنــــدي ســــؤال ؟ لصحتك
مقدم من طرف منتديات الضمير العربي

السلام عليكم


سؤالي للي عندهن ليسن ويسووقن وخاصة اذا كانن يداومن ... هل بالاشهر الاخيرة وخاصة الثامن والتاسع كنتي تسوقين للدوام ولا لا ؟

لأني احاتي وااايد اقول اخاف اييني الويع بالتاسع وانا اسوق رايحة او رادة من الدوام .. وريلي ساعات يكون بشغله يعني مب دايمن يقدر يوصلني .. وساكنة بروحي مع ريلي اهله واهلي بامارات ثانية.

اتمنى تفيدوني يا صاحبات الخبرة ... نتوهق الطلق ما نعرف متى بيينا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مرحب اختي ساقت لقبل الولادة بيوم وهي رايحه وراجعه الدوام

__________________________________________________ __________

>>>> الرد الثاني :
للررفع

__________________________________________________ __________

>>>> الرد الثالث :
عادي حبوبتي ...أنا أشتغل بأول ولاده كنت أدرس في الجامعه في دبي وكان بيتي في الفجيره أخلص دوامي وأروح الجامعه وأرد البيت الساعه 9 مساء ...وخلصت امتحانات الجامعه يوم 20-7 ويوم 26-7 دسيت المستشفى لولاده وربك يسر الحال ....هذا الكلام من سنين ..والحين أنا حامل في الشهر الثامن وعادي أسوق لأي إماره بحكم عملي وخايفه أكيد بس متوكله على رب العالمين وإذا ياني وجع باخذ تاكسي أو بتصل بالطوارئ بس كوني متأكده رب العالمين بكون معانا وبيسر لنا الحال وبطرش لنا بنات الحلال اللي ممكن يساعدونا والله كريم ما تخافي

__________________________________________________ __________

>>>> الرد الرابع :
مشكورات على الردود عزيزاتي

انا ان شاء الله مقررة بثاني اسبوع بالتاسع أوقف وبسير اقعد فبيت أهلي

__________________________________________________ __________

>>>> الرد الخامس :
انا فولديه الاول عادي كنت اسوووووووووووووووق ودواام وارووح مواعيدي بنفسيه

والليله المربي فيها كنت اسووق الساعه 12 من الليل مروحه عن هليه وربيت 4 ونص الفجر ..بس المستشفى ريلي وداني ...

بس لو ماكان موجود عادي اروووح كنت بنفسي
لان حمدالله مانزل عليه شيء فالبيت
والويع كان هب هاذاك الزود

بس من وصلت توام النفس فاتحه 7

ومابطيت الحمدالله..

الغاليه الحركة تنفع الحرمه فالتاسع


بس اذا تخافين لاتغامرين

كل جسم غير عن الثانيه

انا الحين حامل واسوووق عادي وارووح الدوااام .. بس اكيد اخر اسبوع فالتاسع يعطوونا اجازه بس بتم اسووق واخمخم من السووف واجهز للولادة