عنوان الموضوع : مشكلتي مع الليزر .. حل المشكلة
مقدم من طرف منتديات الضمير العربي

السلام عليكم ورحمة الله وبركاته

شخباركن خواتي . . ؟

بغيت مشورتكن في موضوع البشرة عندي ،، بشرتي حساسة وايد

و صارت لي فترة و انا اشل شعر ويهي بالليزر

بس اللي اشوفة ان الشعر ما يوقف ،، و يطلع نفس كل مرة .. يعني ما تغير شي .. و الحين كملت 6 جلسات ، و ما اشوف اي تقدم .. !

و سويت فحوصات للهرمونات و طلع كل شي تمام و الحمد لله

لكن البشرة عندي تحسست من الليزر

و خاصة اخر مرة كان الجهاز يديد عندهم

و حار وايد ..

فالحين صار لي يومين و ويهي ملتهب و محمر و لا خف هالاحمرار ،، .. و مزعجني هالشي وايد ..،

فبغيت رايكن بالموضوع

شو اسوي عشان يخف هالاحمرار .. ؟

و ليش الليزر ما فادني و الله ابتشلت وياه ..

و ربي يعطيكم العافية

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حطي دواء الاحمرار فيسيكورت كثير زين انا احطه بعد الليزر

__________________________________________________ __________

>>>> الرد الثاني :
اي نوع ليزر تستخدمين ؟

تراه يعتمد على نوع الليزر

__________________________________________________ __________

>>>> الرد الثالث :
من جي انا ما ابا اسوي ليزر

__________________________________________________ __________

>>>> الرد الرابع :
ماعندي فكره ،، وإن شاء الله الخوات يفيدونج ..~ْ

__________________________________________________ __________

>>>> الرد الخامس :

المشاركة الأصلية كتبت بواسطة كوينمي
حطي دواء الاحمرار فيسيكورت كثير زين انا احطه بعد الليزر



اختي انا قمت استخدم Mebo ،، دواء للحروق ،،


بس ما نفعني ،، طلعن لي مثل الحبوب الصغار في ويهي ،،


بجرب استخدم هاللي قلتي عنه ،، و مشكورة ع مرورج