عنوان الموضوع : أختي لقت سم بدال الملح في الملاحه؟؟؟ اشغال سهلة
مقدم من طرف منتديات الضمير العربي

هلا خواتي اشحالكم..
حبيت انبهكم من سوالف الخدم اللي ما يخافن من الله...
عند اختي بشكارة اثيوبيه .. كانت وايد زينه .. واختي موب مخليه عليها قصيره كل شي تباه يابتنه الها.. حتى انها حاطتلها تلفزون في المطبخ عشان ما تمل..
يوم يروحون من البيت.. بس قبل ما تكمل سنه .. كانت كل يوم تقول حق اختي كلام غريب جنه فيها وسواس موب صاحيه...
تخيلوا مرة اختي يالسه تعلمها تسوي كيك جان تصرخ مرة وحده .. قالتلها شو فيج قالت الخدامه ماشي بس في شي يحكني في صدري؟؟؟ صدق انها وقحه..نحن قلنالها سفريها البشكارة شكلها شاذه..
. ومرة اختي كانت اتقص برتقاله عشان تاكلها .. قالت البشكارو ماما شو هذا ؟؟ تستهبل الاخت..
عقب قالت انتي بتذبحين يعني؟؟
استغربت منها اختي قالتلها هييه انا بذبحج وبشرب دمج بعد.. اتغصصت صدق منها اختي وكانت وايد اتسوي حركات غريبه.. واختي صابره عليها .. كانت تقولها انتي تبين تشتغلين وللا اسفرج..
تقولها ماما انا اسفه ابغي اشتغل.. ومرة الصبح يت كانت اختي بتريق عيالها سوتلهم بيض في الماي ويت بترش الملح من الملاحه .. استغربت اختي من شكل الملح كان بودرة ناعم؟؟
يابته عندنا وقالت شموا ريحتها يوم شمينا كان ريحتها سم مال السماسيم..
خبرت ريلها وزقروا البشكاره تمت تنكر وقالت ان هذا ملح .. عقب قالولها نحن وديناه الشرطة وقالوا هذا سم .. قالت زين هذا سم صح بس انتو ما بيستويلك شي..لانه تاريخ منتهي خلاص خربان؟؟؟
صدق قوات عين.. على طول كنسلوها من دون ما يخبرونها وسفروها..
بس مو هنا المشكله كانت صابه السم في كل مكان في المطبخ يعني في الشكر .. وفي النشا وكل شي لونه ابيض عشان ما يبين .. لكن سبحان الله الله كشفها..
انتبهو خواتي من الخدم مهما احسنتوا معاملتهم لان نفسهم وصخه .. طبعا موب الكل البعض منهم..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله اكبر كبيرا.. والحمدلله كثيرا.. وسبحان الله بكرة واصيلا..

__________________________________________________ __________

>>>> الرد الثاني :
الحمدلله اللي يات على جذيه ..فالله خيرا حافظا وهو ارحم الرحمين

__________________________________________________ __________

>>>> الرد الثالث :
والخيبه الله ياخذها

__________________________________________________ __________

>>>> الرد الرابع :
حسبي الله عليها يعلها نفاد ناكرة النعمة . الحمدلله ربي سلمهم

__________________________________________________ __________

>>>> الرد الخامس :
الحمدلله أنها عدت على خير

والله يكفينا ويكفيكم شر الخدم