السلام عليكم و رحمة الله و بركاته ..
هذا الموضووع من تجميعي الشخصي اهداء لكل الامهات في بوظبي ..
بدايه هذي صوره رفعتها من فايل بموقع جامعة زايد باسامي بعض الحضانات في بوظبي.. و ارقامها
نبدا الحين ببعض التفاصيل:
1- حضانه همبتي دمبتي
Dumpty Nursery schools
المكان: وحده في بوظبي و الثانيه في خليفة أ
الحضانه تفتح من الاحد لحد الخميس ,, من الساعه 7 و نص لحد 2 المسا .. و عندهم برامج المسا من 2 لحد 3 ..
طبعا سيستمهم يقسم لثلاث اجزاء .. استقبال - حضانه - برامج المساء
الفرق بين الاستقبال و الحضانه .. انه الاولى للاططفال الاصغر بالسن.. و الثانيه كلاسات.. و الاسعار تعتمد على البرنامج و عمر الطفل ..و على عدد الايام .. تقدرين تختارين 3 ايام او 4 ايام او 5 ايام..
الاسعار: بالدرهم
برنامج الاستقبال:
1 to 2 yrs ( من عمر سنه لحد سنتين)
Dhs. 1400 ( ثلاث ايام)
Dhs. 1650 ( اربع ايام )
Dhs. 2017 ( خمس ايام )
2 to 2 ½ yrs ( من عمر سنتين لحد سنتين و نص )
Dhs. 1400
Dhs. 1650
Dhs. 2017
2 ½ to 3 yrs ( من عمرسنتين و نص لحد 3 سنوات )
Dhs. 1400
Dhs. 1650
Dhs. 2017
كلاسات الحضانه:
لازم 5 ايام بالاسبوع
3 to 3 ½ yrs ( عمر ثلاث سنين لحد ثلاث و نص )
Dhs. 2200
3 ½ yrs + ( ثلاث سنوات و نص و اكثر )
Dhs. 2200
بالنسبه لبرامج المساء 35 درهم او 45 درهم حسب البرنامج .. للساعه
طبعا هذي اسعار حضانة بوظبي .. حضانة خليفة اغلى لكن الفرق انه اجازات حضانة خليفة هي الاعياد الاضحى و الفطر و المولد و هكذا .. لكن اجازات فرع بوظبي في الكريستماس و النيو يير و هكذا ..
طبعا شي رسوم للتسجيل ..
لمطالعة الرسووم بالتفصيل و البرامج و مواصفات الحضانه يرجى زيارة الموقع
https://www.humptynursery.com
.,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
2- فيرست ستيب سكوول
First Step School
في الحضانه ياخذون من عمر 14 شهر لحد 4 سنوات
عدد الايام من 3 الى 5 ايام
المكان : بوظبي - الكرامه
الحلو انه مقسمين الكلاسات حسب العمر يعني مثلا مرحلة ديزني مرحلة الدببه و هكذا و هذا وصف لكل مرحله و العمر
Nursery Classes
The Ladybird class (14m - 2yrs) كلاس الخنفسه 14 شهر ل سنتين
The Bear Class (2 yrs) كلاس الدب - عمر سنتين
The Jungle Class (2yrs 3 m) كلاس الغابه - سنتين و ثلاثشهور
The Dolphin class (2yrs 6 m) كلاس الدولفين - سنتين و 6 شهور
Pre - School Classes ( مرحلة التجهيز لدخول المدرسه الكي جي )
The Disney class (2 yrs 9 m) ديزني كلاس - سنتين و9 شهور
The Farm class (3yrs) كلاس المزرعه 3 سنوات
نظام الحضانه بريطاني
و يعلمونهم العربي و الارقام و اللغات و اشيا ثانيه
و عندهم فعاليات عديده و رحلات للاطفال ..مثلا عندهم ايام تنكر و ايام بارني و شخصيات ديزني تزورهم ,, و يوووم بيجاما -- و يوم عالمي .. رسم عالوجوه - و سباحه وايام بالوان محدده و واايد اكتيفيتي ..
الاسعااار:
تتراوح من 3000 درهم ل5000 درهم .. حسب عدد الايام و الساعات
و يوجد باصات ايضا ..
..................................................
و هذا موقع حكومي فيه عدد كبير من اسامي الحضانات في العين و في بوظبي ..
https://www.adcci.gov.ae/pls/adcci/bu...?code=24070307
الحين .. اتمنى من العضوات المشاااركه بخبرتها في الحضانات .. و انها ما تحرمنا من خبرتها و تجربتها بعرضها هني في هذا الموضووع .. و اللي ما عندها اتمنى ترفع الموضوع علشان الكل يستفيد ..
و اخيرا لا تبخلون لاختكم بدعوه انه الله يوفقها في زواجها و يرزقها عيال صالحين.. 
رد مع اقتباس
